CCPUR: Sielmat Christian Hospital (SCH), Sielmat CCPur chun Complete Blood Count (CBC) machine thar Pathien kuoma inhlanna November 28, 2:00PM khan an Hospital Conference Hall-ah an nei. CBC machine hi Rev. (Retd) Dr Lalthankhum Sinate in Pathien tawngtaina inhlanna a nei.
Rev. Dr. Lalthankhum Sinate chun, Sielmat Christian Hospital hi Scissor (bakchep) 1, Surgery Knife 1, Stethoscope 1 le Staff 5 chau uma tan a lo ni thu; kum 1980 a State sawrkarin a recognised chau ni loa Research Centre- a a recognised a ni thu hrilin tukum 2015 hi kum 51 a tlingna a nita thu a hril.
Dr.F.Thienkhogin chun, CBC machine hi damnaw han nasa taka an tangkaipui a beisei thu hrilin normal blood test hai ang ni lovin CBC machine hmanga blood test thawna dinga hin thisen (blood) 2ml a tul bakah minute 5 sunga test result suok nghal ding a ni thu a hril.
Hi machine-a blood test thawa um RBC, WBC, Hemoglobin le Platelets count result/percentage CBC screen-ah hmu thei dinga a um ding bakah damnaw han hmun 2/3 a test thaw tul ta loin vawikhat thuin thisen an test thei ding thu; CBC machine thar hin thisen chi 15 zet test thei a ni thu, hiengang machine hi Northeast a khawm 14 vel chau ala um a, Churachandpur a ding chun a pakhatna a nih tiin Dr F.Thienkhogin chun a hril.
CBC Machine hi market-a chun Rs 4.7 Lakh manhu ni a, a hmangruo a la hung tlungkim naw deu leiin December thla bula inthawk hmang thei ni tang a tih tiin a hril bawk.
