Aizawl, 10 Nov, 2015 (Virthli News): Mizoram Home Minister R. Lalzirliana chun March ni 28-a Zokhawthiang khuo kawla MLA (Assembly Assurance Committee Member) hai lambuna police mi 3 lai hringna rawngtaka latu le Zoram suk thlabar tu Hmar People’s Convention (Democratic) hai chu an la beizui pei ding thu a hril. Hi thu hi vawisun, Vanapa Hall-a Mizoram Pradesh Congress Committee (MPCC) in Assembly vawi-37na an hmangna a hril a nih.
R. Lalzirliana chun “Hmar mipui ṭhatak tak le fel tak tak an uma, misuol ka ti hai chu HPC (D), ‘Democratic’, H. Zosangbera pawl in ti hai hi an nih”, a ti a, March ni 28 khan Mizoram MLA hai lambun in police suongum tak tak mi 3 lai an that baka mi 6 dang an inhliem leiin Mizoram sawrkar hotuhai chun “in mi chona hi kan pawm” ti'n inlambunna a tlung ânthawk ni 18 sungin HPC (D) hotu lawk 3 hai chu man nghal an nih, a tih.
A hril peina ah, Mizoram Home Minister chun Zokhawthiang khuo kawla inlambun laia, MLA hai esela zu chibai tu le inlambunna-a ahnarkaitu tak H. Malsawmkima chu hunsawtnawte hnungah inlambunna-ah thangnawk ta ngailo dingin Mizoram sawrkar le police hrattak hai chun an sie ṭha (that) tah a nih, a ti bawk.
Mizoram sawrkar chun HPC (D) tukdawl tumin hratakin hma a lak meka, mi pakhat chu inlambunna-ah ṭhang nawk ta ngailo dingin hre hmang a ni tah bakah mi 7 lai an hotulien hai iemanizat ṭhangsa in man an ni tah bawk tiin, Lalzirliana chun HPC (D) hai chu an la beizui pei ding thu a hril.
“Inbiek dingin an mi ngena, sienkhawm Malsawmkima’n Mizoram police silai anruk hmang (chawi hmang) hai le inlambunna-a inlak hmanghai in mi pek kir hmakhat inbiekna um thei tanaw nih tiin HPC(D) helpawl hai hi kan hril a nih”, tiin Zirliana chun mipui fekhawm hai hmabulah a hrila, Manipur-a Hmar mipui tam lemin ralthuom an nei lei chaua HPC (D) hai chu ṭi an ni thu le lungril takin an thlawp naw thu a hrila, “Hmar mipui lungsiet an um takzet a nih”, a ti bawk.
R. Lalzirliana chun “Hmar mipui ṭhatak tak le fel tak tak an uma, misuol ka ti hai chu HPC (D), ‘Democratic’, H. Zosangbera pawl in ti hai hi an nih”, a ti a, March ni 28 khan Mizoram MLA hai lambun in police suongum tak tak mi 3 lai an that baka mi 6 dang an inhliem leiin Mizoram sawrkar hotuhai chun “in mi chona hi kan pawm” ti'n inlambunna a tlung ânthawk ni 18 sungin HPC (D) hotu lawk 3 hai chu man nghal an nih, a tih.
A hril peina ah, Mizoram Home Minister chun Zokhawthiang khuo kawla inlambun laia, MLA hai esela zu chibai tu le inlambunna-a ahnarkaitu tak H. Malsawmkima chu hunsawtnawte hnungah inlambunna-ah thangnawk ta ngailo dingin Mizoram sawrkar le police hrattak hai chun an sie ṭha (that) tah a nih, a ti bawk.
Mizoram sawrkar chun HPC (D) tukdawl tumin hratakin hma a lak meka, mi pakhat chu inlambunna-ah ṭhang nawk ta ngailo dingin hre hmang a ni tah bakah mi 7 lai an hotulien hai iemanizat ṭhangsa in man an ni tah bawk tiin, Lalzirliana chun HPC (D) hai chu an la beizui pei ding thu a hril.
“Inbiek dingin an mi ngena, sienkhawm Malsawmkima’n Mizoram police silai anruk hmang (chawi hmang) hai le inlambunna-a inlak hmanghai in mi pek kir hmakhat inbiekna um thei tanaw nih tiin HPC(D) helpawl hai hi kan hril a nih”, tiin Zirliana chun mipui fekhawm hai hmabulah a hrila, Manipur-a Hmar mipui tam lemin ralthuom an nei lei chaua HPC (D) hai chu ṭi an ni thu le lungril takin an thlawp naw thu a hrila, “Hmar mipui lungsiet an um takzet a nih”, a ti bawk.
