NEW DELHI|Nov. 15, 2015: The North East Tamchon Football Tournament (NETFT) 2015, Dec. 1 - 12 a inkhel nawk dinga in singsa mek, defending Champion Team Hmar FC chun hi tournament le inzawmin Virthli chu an Media Partner dingin a lo sukfel tah. 2015 hin NETFT Final Match ah hrat tak nina Hmar FC hin an lak nawk a lo ni chun vawi 3 a zawna hi NETFT Champion an nina ding ning a ta, Trophy an nei sawng ta ding baka record ropui tak an siem ding a nih! NETFT a hin Hmar FC chun Talent nei ṭha tak tak, North East le India State hran hran a football inkhel thiemhai chu lakhawmin a promote a, hi taka lo in khel ta hlak Player tam tak chu professional clubs - Kolkata, Goa, Mizoram le Manipur a hai an inkhel thei pha tah a nih. Delhi Dynamos Indian Super League (ISL) a inlar ve tak khawmin anni hi 2014 khan an lo ṭhangpui ta bawk. Chun, Hmar FC hi All-India Registered Football Club vide Registration No. S/ND/676/2015 dated 28 July 2015 hnuoia in registerd le Delhi Soccer Association (DSA) a affiliated niin Delhi Soccer League 2016 a ṭhang dinga inbuotsai lai an nih. I-League a chen khawm nisien Pathien zar le nang le keiin ei theina chit ah ṭhangruola ei chang phawt chun beiseina lien tak anni a hin a um thei a nih. Anni hi hun lo liemtah le vawisun hin mi ṭhahnemngaihaiin an thawlawm ringsana an Club hi ngir a nih.

Hiengang thil a ding hin sum-le-pai le thil mamaw tam tak a um a, chu sawk zangkhai theitu chu nag khawm i ni thei zing a nih. Bank A/c or Contact no. tarlang a um a hin i phal ang tawk i thawlawm ve thei.

SUPPORT YOUR TEAM
Hmar Football Club #Takchapa! Lets Football

You can send your contribution in favour of
Hmar FC
State Bank of India A/c No. 35149389076 (Current A/c)
R-93, Masoodpur, Vasant Kunj, New Delhi Pin: 110070
IFSC Code: SBIN 0008524
MICR Code: 110002191
Branch Code: 008524

After depositing the contribution kindly inform
Rose Pulamte Asst. Secy, Hmar FC
+91 9136219337 or Fb a/c Pu Virthli
---------------------
Media Partner: VIRTHLI

Hmar FC hi hung inṭan dan tak:
2007 khan HSA Delhi hmalaknain inchûklai football khel inhnikmi hai chun HSA FC intiin North East Tamchon Football Tournament (NETFT) ah an lo ṭhang ṭan a. 2008 khan Final kaiin Zeliangrong FC chu 2-1 in a hne naw a. 2010 khan HSA FC chu Final lut nawkin DMZP 2-1 an hne naw nawk a. 2011 khan 3rd Place an lak a, 2012 khan Final lut nawkin Zaliangrong FC chu 2-0 in an hne naw nawk a nih. Hienga vawi tam tak Final an kaia hratna an chang naw lei hin lunghnuol pha chuong el lovin NETFT tournament um zat chun an hung ṭhang nawk a. 2013 khan a hming hi huopzau lemin Hmar FC ti a thlakthleng a hung ni tah a nih. Hi kum hin Final lut nawkin KSL FC chu 3-2 a hnein NETFT a hrattak nina an lak a, 2014 khan normal play le extra time a 1 -1 a an in draw hnungin SSPP FC chu Penalty shoot-out in 7-6 in an hneban ta a nih. Tuhin Current/Defending Champion ni lai zing an ni a, NETFT 2015 Final Match ah hrat tak nina an lak nawk a lo ni chun vawi 3 a zawna hi NETFT Champion hai chu Trophy nei sawng ta dinga ti a ni angin an nei sawng ding baka record ropui tak an siem ding a nih!

Chuleiin, nang le kei ei theina chit ah ei ṭhangtlanga, ei Pathien-in a mi ṭhangpui bawk chun hnena nopui chu ei dawm nawk thei a nih. Unau, i theina ah anni hi lo support ve rawh. Ṭhangruol chu hratna a ni si a.


Post a Comment

Powered by Blogger.