Rev. Dr. Rochunga Pudaite ruong chunga thilthaw dan ding Funeral Committee in an hril; Joint a Halleluiah Chorus hla a inthla liem ding

CCPUR|Oct. 18, 2015: Rev. Dr. Rochunga Pudaite Funeral Committee in zanita mediahai an inhmupui huna chun a ruong hung tlung huna lampuia sukchawl nuom khuo/VA ha'n Oct. 21, 2015 @12:00 Noon chen hnina peklut thei a ni ding thu, a tuom nuom hai ta dingin Sielmat Christian Hospital (PMS Bookroom) ah information -cum- Registration Centre hawng le Drop Box khawm siem a ni ding thu hai an hril a. Rev. Dr. Rocunga Pudaite ruong USA a inthawka CCPur phurtlung hun ding le vui ni ding la hril thei naw hai sienkhawm a ropui thei ang taka vuiliem a ni theina dingin Funeral Committee le mipui chun PMS Bungalow, Sielmat ah a vuina/thlan khur ding an buotsai meka, a ruong Sunna (Funeral) programme chu Sielmat Christian Hr. Sec. School Campus hmang dinga buotsai mek a nih tiin hi huna hin an hril. Hi huna hin "Halleluiah Chorus" Joint a sak ning a ta, ieng hnam, kohran, Ṭhalai le Choir ṭhang dinga fiel an nih. i/c in Bobby R. Songate (9862741514); Upa Lalchelzing (8794574374) le Lalnghaisan Intoate (9774710755) hai ruot an nih.


Post a Comment

Powered by Blogger.