Responsive Ad Slot

HSA Rising Day vawi-76na Aizawl ah ropuitaka hmang ding

Thursday, October 1, 2015

/ Published by VIRTHLI
Aizawl, 01 Oct, 2015 (Virthli News): Hmar Students’ Association (HSA), Joint Headquarters, Aizawl huoihawtna in October ni 3, 2015 (Inrinni), chawhma dar 11 hin I & PR Auditorium, Treasury Square, Aizawl ah Hmar Students’ Association Rising Day vawi-76na chu ropuitak le ursuntaka hmang tum a nih.
Hi huna hin Pu. R. Vanlalvena, MLA & Chairman, ZOHANDCO chu Khuollien (Chief Guest) ning a ta, Khuolzaum (Guest of Honour) dingin Pu. Hmingchungnunga, Chairman, SHDC ni bawk a tih.

Programme hi hun hni a the a ni a, hunkhatna hi Rising Day lawmna huna hmang ning a ta, Chief Guest le Guest of Honour hai bakah inchuklai pawl hieng HSA, General Headquarters, MZP, MSU le Mizoram Hmar Welfare Committee (MHWC) hai a inthawkin thu tha tak tak ngaithlak ni bawk a tih. Hi baka hin hlaksakthiem hieng- Rualthankhuma Chhakchuak, Juliet Hnamte, Caroline Biakthansangi, Rosy Vanlalhlani, Margy Lalremruati, Lalruatdiki, Lalremkimi le mi dang danghai a inthawkin hlasak ngaithlakna um a ta, Rising Day lawmna ruoi tuhnaitak kil ni bawk a tih.

Hunhnina hi Career Awareness Seminar a hmang ning a ta, resource person dingin Tv. Kapremvel Pulamte, Auditor, Account General, Govt. of India le Nk. Lily Sangpui Khawbung, M.Phil scholar & Guest Lecturer, Mizoram University (MZU) hai ning an tih.

Rising Day lawmna a thangseng dingin HSA, Jt. Hqrs, Aizawl chun mi popo a fiel a nih.
Don't Miss
© all rights reserved
made with by Simon L Infimate