Aizawl, October 12, 2015 (Virthli News): Mizoram sawrkar chun March 28,2015 nia Zokhawthieng bula Hmar People's Convention (Democrats) hai ambushna a thi hai sunghai kuoma ex-gratia Rs.10 lakh seng pek anni thu Home Minister R Lalzirliana chun vawisun khan Assembly a hril.


Home Minister chun zawna a dawnna-ah ex-gratia sum chu sanction ani taa, Director of the Disaster Management and Rehabilitation in a bawzui mek thu a hril. Sungkuo pahni hai chu sawrkar sin an pek ta thu a hrila, pakhat sunghai ruokchu appointment pek vat anni ding thu a hril.

Home Minister chun ambush enquiry thawdan dungzui chun security tieng fel famkimlo a um niin a hrila, police pahni a hmatieng fe hai chu silai puok an hriet hnungin an ruolhai thangpui dingin an kir naw thu a hril bawk a nih. 

Post a Comment

Powered by Blogger.