HMAR INPUI (Hmar Supreme House) 
Meghalaya Region 

Dated: Shillong. The 10th October, 2015 

Rev. (Dr) ROCHUNG PUDAITE-in hunlotaka chungtieng a mi lo inlawisanna chungthuah HMAR INPUI, MEGHALAYA REGION chun inpamum a tiin a sun takzet.

Shillong: Tarik 10-10-2015 a Hnam Pa, taksa le thlaraua Hmar hnam el khelah Hnam tamtakhai ta dinga thuoitu ropui, mi tangkaitak, Rev. (Dr.) Rochung Pudaitein Krista'n a nauhai ta dinga a buotsai chatuona In, famkimna ram hluo dinga a milo maksanna chungthuah Hmar Inpui, Meghalaya Region chun inpamum a ti hle a, hieng anga Pathien rawngbawltu ropui ei hang chan el hi chu a biktakin Hmar hnam chun ei chan ropui hle a, hieng anga chungtienga a mi lo inlawisan el hi Hmar Inpui, Meghalaya Region chun anroin a sun takzet a nih.

Hnam Pa Rev. (Dr.) Rochung Pudaite in chungtieng a mi lo inlawisanna le inzawma sunpui dingin President Hmar Inpui, Meghalaya Region khawm Churachandpur tieng pan dingin an siemmeka, Hmar Inpui, Meghalaya Region hminga Thangsuopuona tuomna khawm nei ni bawk a tih.

Hi le inzawma a i maksan a nuhmei, a nauhai, a to le te, a sung le kuo, a Hnam le Kohranhai le lainatuhai po poin Pathiena inthawka thlamuongna indiktak an dawng seng theina dingin mitinin tawngtainaah lo hre seng dingin Hmar Inpui, Meghalaya Region chun Pathien hmingin a hung ngen a nih.

Lusun sungkuohai po po Lalpan thlamuongin umpui raw seh.

Sd/-
(Lalthankunga Hmar)
President

Sd/-
(Dr. Crossthang Sanate)
General Secretary



Post a Comment

Powered by Blogger.