CCPUR|Sept. 18, 2015: Mi tamtak nghakhla: "Sixth Schedule le District Council Hmelhmang" (Modality of Sixth Schedule and District Council) ti Lekhabu Pu Timothy Z. Zote in a Ziek le Pu Lalthawmlien Hmar Chairman, Barak Valley Hill-tribes' Development Council (BVHTDC) in a Published; Rs. 100/- man chu Sept. 18, 2015-a inthawk inchâwk thei a lo ni tah. A Copy dithai chun Pu Rohlun Zote, Ramthar, Tv. LRS Puruolte, Rengkai le A Ṭha Bek Bek Store, Rengkai, CCPur haia inchâwk thei ning a tih . Thuchieng hrie nuomhai chun 08794202329 ah indawn thei ning a tih tiin buotsaitu chun a hril.

Hi lekhabu hi Tlangzarna le Pathien kuoma inhlanna ṭawngṭai Rev. Lalngailien Puruolte, Assoc. Evan-at-Large, RPC (NEI) chun vawituk (18/9/2015) khan Pu Timothy chengna In, Saikot ah a nei a. Hi lekhabu a inthawk Political thila based ding ei nei ta chu lawmum a ti hle thu hrilin mitamtakin hlawkpui ngei dingin a ditsakna an hlan. Hunkhar ṭawngṭaina chu Pi Vanlalhriati, (L) Pu Chawilien (Saikot khuo a ṭawngṭai hlawtling le hril huoi huoi) hun laia Pathien mi hmang ve chun a nei bawk. Hi hun hi The Saikot Post Editor Lalramthar Famhoite khawmin a uop. Hiengang lekhabu hi Tlangmi ṭawnga dinga a hmasa pawl tak ni a hriet a nih.

Lekhabu Tlangzar a ni dan ah Chief Guest nei amani Tlangzar-tu dinga Officer lien hmang a ninaw nasan le Pathien hriek nal hmang a ni kherna hin Pathien chu ei Lalpa le kawng iengkima ei hlawtlingna bulpui ding a ni leia ei ngaihlut zie suklangna a nih tiin Pu Timothy chun ei inpawlpui hun a chun a hril bawk. (LRS Puruolte)

Post a Comment

Powered by Blogger.