Manipur-a Zohnathlak hai inthuruol leiin MNF Thalai pawl an lawm

Aizawl, 2 Sept, 2015 (Virthli News): Mizoram-a selkaltu pawl lientak Mizo National Front (MNF) Thalai pawl- Mizo National Youth Front (MNYF) chun August ni 31 a Manipur sawrkarin bill a pass hai dona kawnga Manipur-a Zohnathlak hnam peng hrang hranghai inthuruol le lungruol taka an um chu lawmum a ti thu an hrila, Manipur Congress Sorkar in Zo hnahthlakhai chimral zawnga hma a lak sunzawm pei chun an thlirliem mei mei naw ding thu, MNYF thusuok chun a tarlang.

September ni 2, 2015 khan MNYF chun Office Bearers meeting neiin hieng a hnuoia resolution hai hi lungruol takin an passed.

1. Manipur Congress Sorkarin Manipura Mizo (ZO) hnahthlak, tlang mihai ta dinga himlo ‘The Manipur People Protection Act 2015’ Assembly-a an passed el hi tha kan ti nawh.
2. Hi thil tlung do dinga Manipur Mizo hnahthlak hnam peng hrang hrang hai inthuruol le lungrul taka an um hi lawmum kan ti hle.
3. Manipur Congress Sorkar hin hieng Mizo hnahthlakhai chimral zawnga hma alak sunzawm pei a ni chun Mizoram mipuihai hin kut suiin thlir liem mei mei naw’ng kan tih.
4. Manipur Mizo hnahthlak hai laia hringna chanta hai kan sun takmeu a, In le lo le thuomhnaw chantu hai popo khawm kan tuorpui takzet a nih.