New Delhi, September 20,2015: Manipur Chief Minister O. Ibobi Singh in New Delhi a Central hotuhai inhmupui dinga a hung inzin thu hriet a ni angin Manipur Tribal Forums, Delhi hai keihruoina hnuoia Manipur tlangmi han zantieng dar 5:30 chena khan Manipur Bhavan, 2 Sardar Patel Marg, New Delhi hmuna pungkhawmin Sit-in-Protest an nei.

Hi huna tlangmi tamtak pungkhawm hai chun "Ibobi Government Down, down" "Ibobo- don't lie" We want Separate Administration" le Slogan dang dang hai zan dar 9 chen an khekpui a nih.

Hi huna hin Churachandpur ADC Chairman Pu Langkhanpau, Pu Hrila Hmar le Pu CT Lian Delhi a cham mek hai khawm thang ve in mipui pungkhawm hai refreshment man ding an tum bawk a nih.

ADC Members thenkhat le mipui pungkhawm hai chu Delhi City Police haiin an mana, Chanakyapuri Police Station tieng phur khawm in, Protest a thanghai hming zieklut ani hnungin Police haiin 10:30 khan an insuo zalen nawk vawng nghal a nih.


Post a Comment

Powered by Blogger.