Imphal|Sept. 25, 2015 (Virthli News): Manipur Assembly-in Aug. 31, 2015 ni a Anti-Tribal Bills 3 a passed chungchang thu le tulaia buoina le inzawmin Imphal khawsung a Hmar nau/HYA member hai chu inberawn le hriltlang ding pawimaw le ṭul a um leiin Vawisun Sept. 25, 2015 (Zirtawpni) sun dar 11 AM khan ‘Hmar Community Hall’, Lamphel-a meeting ko a nih a. In tina mi pakhat bek ṭhang seng dinga inhriettir anni angin mipui an fekhawm ṭha hle.


Hi Imphal Hmar Mipui Inrawnkhawmna huna hin JPO a mi Upa Laldawnlien Varte, General President, HYA in thuhrilna a nei a, Power Point hmang meuvin hrilfiena a nei. Hi huna refreshment tlawmngaia tumpektu Pu Moody L. Shakum, Principal, AG High School, Langol chunga HYA Imphal Ṭhuoituhai aiawin Pi Thangthatling Sinate, President le Zorisang Thiek, Secretary, HYA, Imphal JHQ chun lawm thu an hril. Chun, JAC Against Anti-Tribal Bills, Churachandpur ha’n an lo rel ta angin ‘Manipur-a Tribal Movement’ leia hringna chan mi 9 hai sawrkar a inthawk ex-gratia la lova mipuihai kuoma dawl lem dinga an lo ti tah angin, hi huna hin intina Rs. 100/- chawikhawm seng dinga inhriettir anni angin an chawikhawm tawl niin chanchin ei dawng bawk. JAC, Finance Sub-Committee, CCPur in Khuo/Veng tum tuma intina ralna sum dawl dinga thusuok a siem bawzuinaa dawl dawka um tuchena mi chu Rs. 8,03,580/- a nih.

Hi huna hin thu iemanizat rel a nia, thenkhat hai chu Ccpur a thi hai ralna in Imphal Hmar mipui a thei thei lengkhawm va nei a nikhat Hospital a duty ding, nikhat Imphal Hmar mipui haiin tawngtai ruolna nei ding ti hai a nih.

Pic: Samuel Lalbelsang Infimate

Dr. John Pulamte President Hmar Inpui GHQ
Pu Lalbuotsai, Secretary JPO Imphal
Pi Thangthatling, President HYA Imphal Jt. Hqtr.
TvA Malsawmthang Ralsun, President HSA Imphal Jt. Hqtr
Upa. Laldawnlien Varte President HYA Gen Hqtr. , Convenor JPO


Post a Comment

Powered by Blogger.