CCPUR: Sept. 21, 2015 chawhnung dar 1:00 PM khan JAC, Jiribam chun Manipur-a Tribal hai tadinga hringna lo inhlan tah mi 9 (Martyr/Pasalṭhai) hai ralna an nei a. Hi hun a hin HYA Jiribam-in sumfaiin Rs. 30,000/- le Rs.50,000/- All Jiribam Minority People's Welfare Organisation (AJMPWO) hmingin an inhlan. Jiribam-a thingtlang mi a danghai khawmin an Inpui hmingin la'nhlan veng an tih tiin JAC, Jiribam hin an hril. JAC, Jiribam hmingin Rs. 80,000/- sumfaiin hi hun a hin an inhlan a nih. JAC, Jiribam hi hun a ṭhanghai chu Rev. Benzamin Shakum, Upa Lallomsang, Md. Asab Uddin le Shri Gunadhor Das hai an nih.
Hi huna hin Upa Lallomsang chun hunser hmangin JAC, Jiribam hmalakna kimchangtakin hrilna a nei a, Martyr hai inzana inhlanin CCPur laia JPO le JAC hai chunga lawmthu hrilna a nei bawk. Md. Asab Uddin Secy., AJMPWO in ram tadinga Martyr-hai a ngaisang hle thu le an lo tuorpui zie thu hai hrilna a nei zoin Rev. Benzamin in Pathien kuoma ṭawngṭaina neiin sum hi JPO hai kut ah inhlanna a nei a nih. Chairman, JPO in lawmthu hrilin Chibai inbuktuona nei a ni bawk. Hi huna media coverage thawtu chanchinbumi hai le pawl 7 vel haiin iengkim felfaitaka thawa an uopna ah an lawm thu le CCPur an cham sunga lo bawisawmtuhai, Hmar Inpui Gen. Hqrs. Ṭhuoituhai chungah an lawmthu media hmangin JAC, Jiribam chun an hril.
Hi huna hin Upa Lallomsang chun hunser hmangin JAC, Jiribam hmalakna kimchangtakin hrilna a nei a, Martyr hai inzana inhlanin CCPur laia JPO le JAC hai chunga lawmthu hrilna a nei bawk. Md. Asab Uddin Secy., AJMPWO in ram tadinga Martyr-hai a ngaisang hle thu le an lo tuorpui zie thu hai hrilna a nei zoin Rev. Benzamin in Pathien kuoma ṭawngṭaina neiin sum hi JPO hai kut ah inhlanna a nei a nih. Chairman, JPO in lawmthu hrilin Chibai inbuktuona nei a ni bawk. Hi huna media coverage thawtu chanchinbumi hai le pawl 7 vel haiin iengkim felfaitaka thawa an uopna ah an lawm thu le CCPur an cham sunga lo bawisawmtuhai, Hmar Inpui Gen. Hqrs. Ṭhuoituhai chungah an lawmthu media hmangin JAC, Jiribam chun an hril.
