Responsive Ad Slot

HSA Delhi 30th Freshers Social Meet, 2015 hmang

Sunday, September 6, 2015

/ Published by VIRTHLI
New Delhi, September 6,2015 (Virthli News): Zani (September 5, 2015) khan Hmar Students Association, Joint Headquarters, Delhi huoihawtnah hnuoiah Samaj Sadan, Sector - 7, R.K. Puram, New Delhi hmunah ropui takin Delhi Hmarnau haiin ‘The 30th Freshers Social Meet, 2015’ an hmang. Delhi le a sêvêla khawsa, nu le pa, inchuklaihai le mipui á¹­hahnem tawk takin hi hun hih hlim tlang takin an hmang liem a nih. Pi Parmila Tokas, MLA (Munirka Constituency) le Pi Atishi Marlena, Advisor to Dy. Chief Minister, Delhi haiin Freshers Meet hi an hmangpui.

‘The 30th Freshers Social Meet, 2015’ hi hun hni a á¹­he a ni a. Hun khatna hih Nk. Thelma Ramthienghlim Faihriem le Nk. Melody Varte hai keihruoina hnuoiah hmang a nih. Upa Dr. Lalsiemlien Pulamte, Chairman, Hmar Christian Fellowship, Delhi in á¹­awngá¹­aina’n hun khatna hi a hawng a. Hmel tharhai lawmlutna thucha Pu James Pusing Sanate, President, HSA Delhi in a hril zovah, Pastor Lalsiesang Zote’n hmel tharhai á¹­awngá¹­aipekna a nei.

Hun khatna a hin Pu Malsawmthang Keivom, Secretary, Delhi Hmar Welfare Association le Pi Dr. Jeneth Ṭhiek Stephens in thuhrilna an nei bakah, Tv. Zacharia Varte, Secretary, HSA Delhi in report a pek. Tulaia hnaia Manipur sawrkarin bill pathum a passed le inzawma buoina leia thi, mi 9 hai sûnna khawm hunser khawm hamng a ni bawk. Hi zova hin kum 2015-2017 sunga HSA Delhi ṭhuoitu dinghai thlangna nei a nih. President dingin, Tv. Lalhrietsung Sanate le Secretary dingin, Nk. Thelma Ramthienghlim Faihriem thlang a nih. Vice President le Assistant Secretary dingin Tv. Japhet Darngawn le Tv. James Milienropui hai thlang an ni bawk. An ni hai baka hin, Finance Secretary dingin, Nk. Zeneth Lalhlimpui Varte, Treasurer dingin Nk. Laltharmawi Hrangchal le Executive Committee member dingin Tv. Robullien Khawbung, Tv. Mordekai Joute, Tv. James Tonsing le Nk. Melody Varte hai thlang an ni bawk. Ṭhuoitu dinga thlang thara um hai hih Pastor Peter Lalditsak Inbuon in ringumna thutiem an tir zovin ṭawngṭaipekna a nei nghal. Hi huna khuol ṭha,
Pi Atishi Marlena khawma thu hrilin mipui fe khawm hai chu Delhi neitu vawng an ni leiin insuk mikhuol lo dingin a hril tawl. Pu Immanuel Khawbung, Chairman, Department of Youth & Music Affairs, HFCD in Pathien kuoma ruoi inhlanna neiin hun khatna khâr a nih.

Hi zova in bawngsa chartang hme in, ruoi ropui tak el kîl tlang a nih. Mipui an khawpin an tlai hle. Bu fak khawpah hun hnina ṭan nawk a ni a.

Hi huna hin Mr. Fresher le Miss Fresher hai thlangna nei a ni a, Mr. Fresher dingin Tv. Dennis Lallawmzuol Hrangchal le Miss Fresher dingin Lyzia Shakum thlang a nih. Delhi a Hmarnau hlasak thiem tak tak el, Tv. Zawlkapthang, Tv. Lalhrietsung Sanate, Tv. Wilson Lalrotluong Hmar, Tv. Emmanuel R Joute, Nk. Melody Varte, Nk. Mercy Lalumpui, Tv. Jackyl Lalrosem le Nk. Jessica Khawbung haiin mipui fekhawmhai hla sakin an inawi bawk a nih. Zanita Freshers Meet hmang huna hin kumtina sem hlak a ni angin,

Delhi khawpuia khawsa Hmarnau inchuklai, inchukna tienga thaw á¹­ha hai kuomah Meritorious Award inhlanna nei a ni bawk.













































































Don't Miss
© all rights reserved
made with by Simon L Infimate