Responsive Ad Slot

ATSUM in rawinaa Manipur Tribals Meeting hlawtling taka nei; Resolution 5 an passed

Tuesday, September 29, 2015

/ Published by VIRTHLI
Imphal/CCPur|Sept. 29, 2015 (Virthli News) : Vawisun All Tribal Students' Union, Manipur (ATSUM) inrawina hnuoia Manipur buoina le inzawma inrawnkhawmna Meeting chu tluong taka nei a nih. Hi huna hin hnam tum tum a inthawka á¹­huoituhai, Manipur a Tribal hnam sunga pawl tum tum hai an kim hle.



Chawhnung dar 12:30 PM - 5:45 PM  inkar khan Meeting pawimawtak inrawnkhawmna hi nei a nih. Hi huna an thurelhai chu- (1). Manipur Chief Minister Pu O. Ibobi Singh in inbie dinga a mi ko na hi ATSUM le Inpui le JAC hai Palai (delegates) intir ding. (2). Manipur le inbe join Centrala thuoitu hai inhmupui nawka, separate admn thuah thutiem thatak nei ani hnungin mithi ruong phum ning atih. (3). Sept. 30 chena Tribal MLA in resign ding ti a ATSUM in an phutna hi an in resign naw chun an chungthu rel ning a tih. (4). Manipur a Tribal pumpui in Bandh ko dan ding riruong vat a tih. (5). Hi buoina chungthu hi ATSUM le a dang dang hai leh Delhi Tribal Forum hai leh nasataka thang lak tlang ni pei a tih tihai niin chanchin ei dawng.

Pu Romeo Hmar President, Manipur Tribal Forum (MTF), Delhi

Pu Romeo Hmar President, Manipur Tribal Forum (MTF), Delhi khawmin hi huna hin thuhrilna hun a hmang ve. Hi huna á¹­hang ding hin ama rawiin Delhi a inthawk Imphal hi an pan ngat a nih. Anni hi Manipur a Tribal hnam tum tum India khawpui New Delhi a khawsahai an nih a. Anni hin sun-zan khawm tilovin hma nasatakin an lo lak a nih. A á¹­ul dan i zirin India Sawrkar-pa indawrpuina kawnga an tlanvirn a inpak an um tak zet.

Manipur Tribal Movement le inzawma District tina JAC le Inpui hai baka Tribal Student Wing Manipur a um haiin tulaia Manipur ram buoina chungthuah hienganga inrawnkhawmna (Meeting) an hung nei thei hi mitam tak chun lawmum an ti hle. Ṭawngṭai pawl khawmin nasatakin tulai hin ṭawngṭaina leh Manipur a Tribal hai buoina tuok hi an bawzui zing a nih.
Don't Miss
© all rights reserved
made with by Simon L Infimate