Haflong, 28th Aug. 2015 (Virthli News): Assam rama Sixth Schedule hnuoia Autonomous Council North Cachar Hills Autonomous Council (NCHAC) a Chief Executive Member (CEM) hmasatak Hmar mi ngei Pu CH Khawthlang (Tuolor) a hrietzingna dingin a Memorial Statue inthut ngei dinga Hmar hnam sunga organisation hran hran in Council a thuneituhai kuoma a lo ngen ta hlak chu bawzui pei ani a. Abikin HSA NC Hills & Karbi Anglong Jt. Hqrs in tuta NCHAC a CEM ni lai zing Pu Debojeet Thaosen kuomah memorandum chen lo pein nasatakin a lo nawr a. Pu Debojeet Thaosen in HSA kuomah Executive Committee a hung put lut dinga a ngenna le inzawm peiin le Pu Ngamrothang Hmar Chairman, NCHAC, Pu Laltlansang Hmar. EM le Pu Khawvelthang Hmar, MAC hai chun vawisun tarik August ni 28 ni a NCHAC rorelna insangtak Executive Committee (EC) ah putlut in nasataka thang an lak nazarin Executive Committee chun NCHAC a CEM hmasatak Pu CH Khawthlang Memorial Statue chu Council Campus sung ngeia inthut theina/phalna chu a lo pawm ta a nih.

Hi Statue hin kum tamtak hnung a khawm thu tamtak a la hril pei ding ani leiin lawm a um in a ropui hle anih.

Post a Comment

Powered by Blogger.