Responsive Ad Slot

Mihai į¹­hangpui hlaktu Band inlar: Sinlung Express Band ei belchieng

Sunday, August 16, 2015

/ Published by VIRTHLI
(September 5, 2015  ainthawk Hmar FC tadingin ‘Benefit Concerts’ India ram hmun tum tum a nei an tih) 

~ LRS Puruolte

Sinlung Express Band hi 2015 kum bul laia indin a nih. Band hming umzie hi Sinlung suok/nau hai an inpuongsuok, kheksuok, tarsuok tina a nih. Hnam ro, thu le hla hlu tak tak ei nei hai hlaa sak uor, suk hmasawn le hlawk taka mihai inthlasawng tir hai hi Sinlung Express thiltuma tak laia thangsa chu a nih. Chu bakah thangtharhai inhnikna le thiemna hai hlutsak, intawmpui le dawkan insiempektuoa hnam ro chawisang chu Sinlung Express hmalak dan le a thiltum a fepui mek chu a ni sa bawk.


Sinlung Express chu tuhai am an ni a?

Sinlung Express chu Edward TC Hrangate (Vocals, Ukulele, Harmonica), Darthanglien Sanate (Guitars), Immanuel Lalhrietzing Pulamte ( Bass), Khup (Keyboards) le David Buhril (Drums) hai an nih.

Pu Edward TC Hrangate hi mitamtak in a rawl le hmel ei lo star em em, tulaia Singer in lar tak el Nk. Lawmnakim Hrangate Zomi Idol 2015, Runner Up le “Aw Thalai” ti hla leia ei hrietlar em em, a piengna pa a nih a. Ama hi hla tiengpanga chu mithar a ni nawh. AIR (Radio) Hmar Programme umna le Audio Cassette a hai a lo inlar em em ta hlak. The North-East Sun Magazine meu khawmin ‘Love Knots’ ti Audio Album Indian Classical Music leh rem ngat, changkang tawk tak, Bombay (tuta Mumbai lo ni tah) hmun ngei ah recording thawin an lo Produced pek thei ngat khawpa lo inlar tah a nih. Pu David Buhril (Drums) khawm hi multi-talented, ngaisangum tak el, ziekmi ni bawk ram le hnam tadinga a hun tamlem pe mi, The North-East Sun Magazine a khawm lo thang ta hlak. India ram pumpui huopa Award dawng thei ngat a nih. Pu Khup khawm hi Churachandpur a musician inlar tak le recording thaw tamtakin an ruoi, Music School/Class tamtaka instructor ni hlak a nih. (Ama hi Myanmar suok a ni bawk). A danghai khawm hi insit an um naw hle! An nina hai la hril vawng da’l ei tih. I belchieng po leh i ngainatna zuol deu deu el a tih! An Band hi insit an um naw hle. NGO hran hran leh khawm thangruolin Environment humhalna tieng le inzawmin thu le hla hmangin hma an lak mek bawk. An khat tawkin Life CafĆ© Rengkai, Churachandpur hmun a khawm an perform hlak.  An Band hi insit an um naw hle. NGO hran hran leh khawm thangruolin Environment humhalna tieng le inzawmin thu le hla hmangin hma an lak mek bawk. An khat tawkin Life CafĆ© Rengkai, Churachandpur hmun a khawm an perform hlak.

April 25, 2015 khan Sinlung Express chu official taka tlangzarna neiin an concert hmasatak khawm VTI, Rengkai, Churachandpur (Manipur) hmuna nei a nih nghe nghe. Sinlung Express hlaruoi hmasatak  tum hi ‘Benefit Concert’ khawm a ni bawk leiin, a sum hmusuokhai chu Pu Damkung Hmar (Rengkai) hai nupa kuomah an hlan nghe nghe. Hmun dang danga khawm Concert an lo nei zeu zeu ta bawk. Sinlung Express chu a tam lem Hmar tawnga hla sakin sap tawng takin an music chu ‘ soul, blues, rock, grunge’ tienga inawn an ni tlangpui.


I pumpel der lo ding, Sinlung Express Live on stage:

Hmar FC Organizing Board hai huoihawtna le remruotna angin Sinlung Express chu Hmar FC thangpuina dingin ‘Benefit Concerts’ Tuithaphai, Imphal, Guwahati, Hmarkhawlien, NC Hills, Shillong le Delhi a hai nei dingin an insingsa mek. Chu dungzui chun September 5, 2015 khin Sinlung Express chun Hmar FC chanpuola dingin North-East Zone Cultural Centre, Shilpagram, Guwahati a hlaruoipui the an tih. Benefit Concert hun a Sinlung Express hmalakna Virthli-in inthlawpin Media Partner in į¹­hang a tih.

Sinlung Express hmathlir: Thu le hla hmang thangkaia ei ram le ei hnam sungah ‘Cultural Revolution’ hung thlung chu Sinlung Express hmathlir a nih.
Don't Miss
© all rights reserved
made with by Simon L Infimate