Chandigarh, August 16,2015 (Virthli News): Hmar Welfare Association, Chandigarh Region huoihawtna hnuoia Fresher's Meet-Cum- Election 2015 chu August 15, 2015 khan nei a nih. Hi hun hi hunhni a the a nia, hunkhatna hi Pu L. Shyama Hmar keihruoina hnuoia hmang niin mithar (Freshers) hai lawmlutna le inhmelhrietuona hun Pu B. Lalvarlien Sungte in a hmang a nih. Hi huna hin mithar (Freshers) mi 6 lawmlut an nih. Thuhrilna hun Rev. Hnamtinthang Tryte in a neia, infuina tucha tha tak tak a hril bawk a nih.  Secretary le Finance Secretary report ngaitlak zo a ni hnungin inchukna tienga thawtha zuol mi 16 hai kuoma Pu B. Lalvarlien Sungte, Chairman, HWA in Chawimawina Certificate  inhlanna a nei.


Hun hnina hi election le insukhlimna prokram anga hmang a ni a, hi hun a hin Col. GSD Kochhar inrawina hnuoia inthlangna (Election) nei a ni a, hi a hnuoia hai hi Hmar Welfare Association Chandigarh, Region term 2015-2016 sunga thuoitu dinga thlangtling hai chu an nih.

Chairman: Pu B. Lalvarlien Sungte
Vice Chairman: Pu L. Shyama Hmar
Secretary: Tv. Hrangneilien Zote
Asst Secretary: Tv. Lalkansang
Finance Secretary: Tv. Ginsangkham
Treasurer: Pi Zodinpuii Kochhar
Information  Secretary: Pu Lalrolawm

Insukhlimna hun hi Tv. Hrangneilien Zote in a keihruoia, hi huna hin hlasaktheim tak tak el hieng Tv. HK. Lalhlunnei, Pu Messac Lalrinmawia, Nk. Maria Lalramsan le Nk. Ruthi Lallawmsung haia inthawkin hla mawi tak tak ngaitlak a nih. Hi huna hin Chandigarh Hmar laia hnamthuom inbel mawitak - Best Traditional Award/Certificate khawm inhlan a ni a, hi Award hi Pi Zodinpui Kochhar inhlan a nih. Hun hi dit khawp lo taka suktawp niin tuihnai tak el ruoi the ani bawk.

Post a Comment

Powered by Blogger.