Guwahati, August 27,2015 (Virthli News): Guwahati HSA Freshers Meet cum Welfare Meet 2015 chu hung tlung ding tarik 05/09/15 khin North East Zone Cultural Centre, Shilpgram,Guwahati hmun a nei dingin nasatakin an insingsa mek.


Hi hun hi hunthum a the ning a ta, hun khatna hi HSA Freshers' Meet huna hmang ning a ta, hi huna hin Shri. C.S Daniel, Income Tax Officer, Ministry of Finance, Govt.of India chu Chief Guest a hmang ning a tih. Freshers hai lawmlutna le HSA Guwahati thuoitu thar thlangna nei ni bawk a tih.

Hun hnina hi Guwahati Hmar Werlfare Meet a hmang ni nawk ata, hi huna hin Pu Ngamrothang Hmar, Chairman, N.C. Hills Autonomous District Council, Assam chu Chief Guest a hmang ning a ta, hi hun a bawk hin Pi le Pu tlawmngaina le Hmar Welfare Society, Guwahati hmalakna hai thangthar hai lai inhrilhrietna huna hmang tum a ni a, ei hnam rohlu "TLAWMNGAINA" ti thupui hmangin SEMINAR nei ning a tih.

Hun thumna chun insukhlimna tieng pang le Lucky draw result hai puongna um a ta, ei hnam sunga band puitling le inlar em em Sinlung Express haiin hi huna hin hlasakna nei an ta, hi taka sum/pawisa an hmu hai chu Hmar FC thangpuina dingin pek ning a tih.

Hmar Welfare Society, Guwahati le HSA Guwahati JHQ chun Guwahati khawpui sunga Hmar nau hai popo kimtaka thang seng dingin inhriettirna le fielna a siem bakah hi ni hin hnamthuom a inbel seng ding le inruia buoina siem lo dingin mipui an ngen nghal bawk a nih.


Post a Comment

Powered by Blogger.