Responsive Ad Slot

Mizoram chu state ralmuong tak a ni a, HPC (D) han sawrkar le mipui pawi an hung thaw hlak: Lalthanhawla

Saturday, July 11, 2015

/ Published by VIRTHLI
Guwahati, July 11, 2015: Union Home Minister Pu Rajnath Singh inrawina in vawisun khan Assam Administrative Staff College, Khanapara, Guwahati hmunah NE security chungchangah hmarsak state pariet Chief Minister hai leh meeting an nei. Hi huna hin Mizoram Chief Minister Pu Lal Thanhawla chun Mizoram chu state ralmuong tak a ni a, hienglai zing hin hel pawl Manipur state a umhmun khuor, Hmar Peoples’ Convention (Democratics) inti han chun Mizoram ah sawrkar le mipui pawi an hung thaw hlak thu a hril.


Tukum 2015 March ni 28 khawm khan Mizoram Legislative Assembly hnuoia Government Assurance Committee member hai Zokhawthieng bulah lo lambunin police 3 an kaphlum a, midang 6 na takin an kaphliem bawk thu a hril. Hi pawl hai hi Assam, Manipur le Mizoram inrina lai vela an um leiin, hnawtzuia man an harsa thu a hril a. Assam le Manipur sawrkar hin Mizoram police hai zalen taka an che thei hi an phalpek a tul a ni thu a hrilsa bawk a nih.

Chief Minister chun hiengang ngirhmuna um kan ni lei hin dan le thupek hne taka kenkaw ani thei na dingin central sawrkar hnuoia  ‘Security Related Expenditure’ (SRE) Scheme hi Mizoramah hmang ve a ni theina dingin Pu Rajnath Singh chu hmala dingrin a ngen nghal bawk a nih. Mizoram police force khawm inthuom tha a, modernisation fepui tul a ti thu khawm antlun a nih. 
Don't Miss
© all rights reserved
made with by Simon L Infimate