HSA GHQ in Pu J. Lungawi thina a sun: HSA Marketing Complex khar a nih;
Inzanain HSA GHQ in inzana insang tak leh Hmar Thangsuo Puon-in a ruong an khum bawk

CCPUR | July 3, 2015 ni khan HSA GHQ chun an thuoitu July 2, 2015 chawhnung dar 1PM vela lo boral tah (L) Pu J. Lungawi MCS (SDO, Retd.) a thi sunna le ama inzanain HSA Marketing Complex, Rengkai, CCPur a an dawr building, sumdawngtu le mi tum tumin an hluohai chu a ruong vuithlak hmapo an khar tawl. A ruong vuina hun a HSA GHQ chun an inpamin, an sun tak zet thu an puong a. HSA GHQ aiawin Adviser thangin a ruong hi Hmar Thangsuo Puon-in an inkhum a nih. Ama hi HSA GHQ a President Term 3 zet (1946 - 1951) lo chel ta hlak a nih. Inchuklai le mitamtak tadinga thangkai em em English - Hmar Dictionary 1991 a lo siem chu inpakum le lawmum, sinsie zing tlak a ni thu Mr. Robert L. Hmar in HSA GHQ aiawa a ruong chunga hun a hmang hun a hril.


HSA Platinum Jubilee Dec. 11 - 13, 2014 hun a khawm ama hi Life Time Achievement Chawimawina an lo inhlan tah a nih.Kum 2012 December thla a HSA JHQ CCPur huoihawtna hnuoia Saikot, CCPur a Sikpui Ruoi hmang a ni tum khawmin SIKPUI PA a hmangin, inza le chawimawi a phu ang ngeia hlang chunga inthungtira zawn a lo ni ta bawk.

Post a Comment

Powered by Blogger.