Responsive Ad Slot

EFCI Imphal Presbytery Revival Crusade chu alo tumtiek tah

Tuesday, July 7, 2015

/ Published by VIRTHLI
Imphal, July 7,2015: EFCI Imphal Presbytery huoihawtna hnuoi a Rev. Lalnghaksang, Evangelist- At -Large chu Speaker a hmangin Lamphel EFCI Biekin ah June 22 - July 5 chen aw "Thi Chen Ringum" ti thupui hmangin Revival Crusade chu Pathienni (July 5) khan a lo țumtiek tah. Hi Crusade hi 22- 28 June chen aw dinga riruong a ni a, amiruokchu Pathien thlarau in thalai, nu le pa le naupang hai lai sin a thaw nasa leiin July 6 chen sunzawm a nih. Kohran mipui le kohran dang dang hieng ICI, Local le Methodist hai khawm hi huna thang ve in zantin Lamphel, EFCI Biekin kenglo rak khawp in inkhawm hlak a nih. Pathienni hun a hai lem chu Biekin tuol khawm thungna dawbit vawng khawm a mipui thungna changlo an um nuol hlak.

Hi Crusade sung hin Lamphel, EFCI KTP, Sangaipro EFCI KÈšP, Langol EFCI KÈšP, Tv. Nicholas Inbuon, Nk. Jubilee Tlangte, Nk. Ruth Lalneizawn le Nk. Lalhlunchawng hai a inthawk inpaknahla ngaithlak a ni a an hla/hlapawl sak hai a hring a , an hla hai hmang in Pathien thlarau in sin a thaw nasa hle bawk a nih. July 1,2 le 3 zan a hai khan Testimony (sharing) hrilna hun hawng a ni a, zan khat na a mi 7, zanhni na a mi 12 , zanthum na a 25, an reng in mi 44 in Testimony/sharing an nei a nih. Crusade nei hma hin IPKÈšP huoihawtna hnuoia "Thi Chen Ringum" ti thupui hmangin June 17 -21 chen Retreat House(DSSS) Mantripukhri hmuna Youth Gospel Camp 2015 neiin camper 54 zet lutin Pathien in mal a sawm a, a lut hai in an hlawkpui hle bawk. Hi Camp le Crusade hmang in Pathien thlarau in sin a thaw a Crusade sung hin zantin khawvar zie a ni bawk a nih.(Lalbelsang Infimate, Virthli)







Don't Miss
© all rights reserved
made with by Simon L Infimate