Zoramthanga in HPC (D) hai VC election an boycott hlip dingin a ngen

Aizawl, June 16, 2015 (Virthli News): Vawisun khan Mizo National Front (MNF) President Zoramthanga chun HPC (D) han khuo 31 a Village Council election an boycott pek chu hlip dingin a ngen. MNF office ah party workers hai kuoma tulai hnaia zohnathlak helpawl group tum tum hai ta dinga a hmalakna hai tarlangin,  Pu Zoramthanga chun HPC (D) haiin Village Council election khuo 31 haia an boycott hi an hlip naw chun tuta Central sawrkar le ramhnuoimi hai abikin HPC (D) hai thangna UPF inkara remna palai sin a thaw chu tawpsan ding le inbiek nawkna (next round of talk) um nawk na ding a khawm hin thang a tum naw thu a hril.

MNF chun nikhat ni khan thusuok siem'n tuta UPF, Manipur le Central Sarwkar in SoO an keisei nawk kha Pu Zoramthanga hmalakna lei le ama um lai ngeia bilateral suspension of Operations (SoO) kha an signed niin a lo hril tah a nih.

Pu Zoramthanga chun ama hmalakna zarin Central sawrkar le National Liberation Front of Tripura (NLFT) hai khawm vawihni lai peace talk an nei ta thu a tarlang.

Mizoram Village council election/ polls hi tukum April 30 khan nei a ni a, HPC (D) hai boycott na leiin Mizoram hmar tienga khuo 31 haia nei theilo alo nih.