Responsive Ad Slot

Pu Zoramthanga in UPF le Sawrkar laipui inkarah SoO a siempui: MNF

Friday, June 12, 2015

/ Published by VIRTHLI
Aizawl, June 11, 2015: MNF party chun thusuok siemin, Manipur-a Zohnathlak helhai le sawrkar laipui inkara MNF President Zoramthanga’n inkapchawl (Suspension of Operation) dinga inremna a siempui niin an tarlang.

MNF tarlang danin, June 9, 2015 chawhnung dar 3-ah New Delhi-a Janpath Hotel-ah Manipur-a Zohnathlak hrang hrang - Hmar, Kuki, Paite le hnam peng danghai inzawmkhawm United People’s Front (UPF) le sawrkar laipui chu Suspension of Operation (SoO) nei tumin an inbiek a, chu tak  a chun MNF President Zoramthanga chu hma latu a nina le fiel a ni angin a thang ve a nih.

MNF chun, an President Zoramthanga in India sawrkar le hel pawlhai inkara remna a um thei nadinga thang a lak chu inpak um an ti thu hrilin, "Zohnathlak underground-hai le Central sawrkar inkara rabi thar tukpek nawktu Zoramthanga hi MNF chun a suong a, a sinthaw hi ropui a ti tak zet a nih," an ti a; state puo a Zohnathlak hai le Central sawrkarin ringzo taka Zoramthanga chunga an nghat chu lawmum an ti thu an hril bawk.
Don't Miss
© all rights reserved
made with by Simon L Infimate