LAWMTHU HRILNA
A mi lo ditsaktu unau hnam tum tum le hmuntina um, Social Media/Online News Portal chi tum tum, Mi Support em em tu ka ruolhai Press/Media tam tak TV Channel thanga mi lo thlawp a, mi ngaiventuhai po po, ka ngirna ding anga in ri Constituency puotieng chen a mi hai mi ditsakna/Supportna zarin ka ring phak bakin June 1, 2015 a Manipur a ADC/MDC Election um ding le inzawma 17 New Lamka East MDC/ADCC a in Candidate ding anga ka um laia a mi lo ditsak em em tu hai fiel le phut a ka umna kha kan za lai zingin le thil fuk lem dinga ka ngai leiin ka lo inhnuk dawk tah a. Tuchen ah a mi Supporttuhai in lo tam zie ka hriet a lawmum le ropui ka ti tak zet a nih. In reng a chungah ka lawm tak zet. Kei ka ditthlangna a in hnuk dawk ka ni a. Kan hnuk dawkna thu a tukhawm mawsiet ding an um nawh. In mi hriet angin Neutral a um zing le Social Activist le Media person ka la ni zing a. Election hung um ding a hin tukhawm ditsak bik ka nei naw a. Mipuiin thienghlim taka ei thlang tlinghai chu ka lawmpui a. Zinga in Candidate hai le an supporterhai po po indik taka chang ding le hi hun hi inhmelmakna le thil ditumlo thawna a hmanglo dingin Pathien hmingin ka ngen. Ka ditsakna in sang tak kan hlan nghal bawk. “Mi tukhawm chu chu, kha kha Vote ro” tiin mi ditsak bik ka nei nawh ti a mi lo Supporttuhai kuoma hi thu hi ka hung hril a nih. Hnam le khuo amani inbeina ang zawnga thil a fe khawm ka thil dit a ni nawh ti hi mitin hriet dingin ka puong. “Ei ram siem that hi ei renga mawphurna a nih.” Pathien zarin dam ei ta hmatieng peiah ei la thangtlang pei ding a nih.
– LRS Puruolte
