Ngaibantlang, May 01, 2015 (Virthli News): Vawizan dar 7:00 khan HSA Huonveng Unit, Haflong huoihawtna hnuoia SSC Exam Free Coaching, 1-30 June 2015 sung aw ding chu hawngna hunser hmang a nih. Hi huna hin nu le pa le inchuklai hai mi 100 neka tam fekhawm ani a, Khuollien Rev. Kawlthanglien Infimate niin competitive exam chungchang hai le tumru a ngai zie hai le inchuklai hai nasatakin chona peiin thu a hril a, Special invitee Josef V Tuolor, Secy. Edu. HSA GHQ in Competitive exam ei damna dinga inhnik a tul zie le hi exam a inthawk a sin hmu hai hamthatzie hai le ei harsatna hai ahrilin inchuklai hai anthawk beiseina insangtak a nei thu a hril bawk.


Tutor dingin Pu George Mang Neihsial le Tv. Elvis L Gangte hai chu ruot anni angin lawm tak le tlawmngai taka theitawp suo dingin an pawm a.  Thuhrilna hun neiin Pu George Mang Neihsial chun inchuklaihai taima tak le thatho taka a tawp chen thang ding le a hlawk a um ngei ding thu hai a hril a anma khawm a thei neka tam khawm hieng ang thila hin thaw a nuom in a thaw ding thu hai a hril bawk.

HSA Huonveng Unit hi HSA Unit level a hieng Competitive coaching huoihawt hmasatak niin ei hriet a, thuoitu hai inpak an umin an thaw tha takzet el a nih. Hieng anga inchuklai hai hmakhuo ngai a coaching sengso dinga pil cho a dam a inhlaw a hieng ang an huoihawt hi Unit tin hai entawntlak anni takzet bawk. Huonveng hi Muolhoi le khuo inzawm anga um nisienkhawm a hran a Village ro inrelna nei anni a Village Authority a hin Portfolio Education incharge an nei a nih.

Post a Comment

Powered by Blogger.