Aizawl, June 27, 2015 (Virthli News): Mizoram Police hai chun April 16, 2015 a Silchar a an man HPC-D mi pathum hai chunga Chargesheet chu Court ah an thelut. HPC-D hotu Mr. Lalropui Famhoite, Mr. Norbar Sanate le Mr. Ngurthantluanga Sante hai chunga Mizoram Police hai chun IPC Section 387 a thawluina hmanga mi pawisa dawl, vauna le buoina siem pekna le inzawm'n Court ah thubuoi (case) siemkhumin an thelut a nih. Mizoram Police chun Mr. Lalropui Famhoite le Mr. Norbar Sanate hming hin vawi tamtak Mizoram Hmartlangdunga khuo dang dangah HPC-D haiin phutlui Sie (Tax) an khawn hlak thu le mipuihai vauna an pek hlak niin an hril a, manna um pathum hai chunga hin thubuoi dang khawm an la siem sa tum thu an hril. Mizoram Police hotu hai chun March 28, 2015 a HPC-D ha’n MLA hai inzin an lambunna khan anni hai hi an inrawl ve ngei niin an hrila, kha inlambuna kha Mr. Lalropui Famhoite thupekna ngeia lambun an nih tiin an hril.


Mizoram Police hai hin HPC-D Chairman Mr. Zosangber kum 2012 khan Delhi ah an lo man  tah a, hi ruol hin Army Chief Mr. Lalropui Famhoite le Deputy Amry Chief Mr. Biaknunga hai khawm man ve an nih a, kum 2013 khan bail a insuo niin Court a inlang dinga ti angin an inlang ngai naw leiin Aizawl Dictrict Court chun April 13 khan anni pathum hai man nawk na dingin Arrest Warrant a lo insuo nawk ta a nih.

Post a Comment

Powered by Blogger.