Hmarkhawlien, June 20,2015(Virthli News): Padmanabha Balakrishna Achariya His Excellency, Assam & Nagaland Governor chun vawisun khan Hmarkhawlien Rengtheibil/huon hai fangna a nei. Rengtheibil hai a kan zo hin Hmarkhawlien Community Hall ah Barak Valley Pineapple Grower Society hai inhmupuina le hohlimna hun a neipui a, hi huna hin Pu PB Achariya chun Rengthei huon hai hi suklien pei ding le hnuoi that thei dan angtaka Chemical thangloa Organic ngeia ching sunzawm pei dingin an fui tawl a. Pu PB Achariya chun hieng rengtheibil hai hi suklien/zau na kawnga forest department tieng panga sawiselna a um nawna dingin hma la dingin an tiem bawk a nih.
Barak Valley tribal hai ngirhmun thuah Pu PB Achariya chun Lakhipur town Commission le SDO hai kuoma khawm Tribal hai hi mihriem ve tho an nia, Hindu, Christian, Muslim thlirbikna neiloa hma la hlak dingin alo hril ta thu a hril. Chun, sawrkara sanction le scheme ramtin um haia Barak Valley a tribal hnam hai abiktakin Hmar hai ditsak bik anni naw chun Hmar hnam thuoitu hai le inbiepaw zingin a tul ani chun Municipal Board hai chen khawm thiek dingin an tiem bawk a nih.
Pineapple Grower Association le inzawmin theitawp a hma hung la pui ding le Agriculture le inzawma Sanction um hai a tam lem chu Pineapple tieng panga thunlut dingin hma la dingin mipui pungkhawm hai hmaa an tiem a nih.
Tuta vela Assam Governor in Hmarkhawlien, Cachar a hung sir hi Cachar a ding chun a vawikhatna a nia, Assam Governor Cachar phairuom sir hmasatak a nih. Cachar a hmunpuitak Silchar sir lem lova Hmarkhawlien khuo kher a hung sir bik hi hnam dang dang hai chun an lo thiek hle a nih. Governor hin Hmar hai hi a ngaina bik el khela an rengthei ching dan, a thlumdan le an hnik zie hai lo hre ve in Hmarkhawlien khuo hi a hung kan ngat a nih.
Photo Credit: Joseph Darngawn
Barak Valley tribal hai ngirhmun thuah Pu PB Achariya chun Lakhipur town Commission le SDO hai kuoma khawm Tribal hai hi mihriem ve tho an nia, Hindu, Christian, Muslim thlirbikna neiloa hma la hlak dingin alo hril ta thu a hril. Chun, sawrkara sanction le scheme ramtin um haia Barak Valley a tribal hnam hai abiktakin Hmar hai ditsak bik anni naw chun Hmar hnam thuoitu hai le inbiepaw zingin a tul ani chun Municipal Board hai chen khawm thiek dingin an tiem bawk a nih.
Pineapple Grower Association le inzawmin theitawp a hma hung la pui ding le Agriculture le inzawma Sanction um hai a tam lem chu Pineapple tieng panga thunlut dingin hma la dingin mipui pungkhawm hai hmaa an tiem a nih.
Tuta vela Assam Governor in Hmarkhawlien, Cachar a hung sir hi Cachar a ding chun a vawikhatna a nia, Assam Governor Cachar phairuom sir hmasatak a nih. Cachar a hmunpuitak Silchar sir lem lova Hmarkhawlien khuo kher a hung sir bik hi hnam dang dang hai chun an lo thiek hle a nih. Governor hin Hmar hai hi a ngaina bik el khela an rengthei ching dan, a thlumdan le an hnik zie hai lo hre ve in Hmarkhawlien khuo hi a hung kan ngat a nih.
Photo Credit: Joseph Darngawn
