~ Prof Lal Dena, VIRTHLI Columnist
Delhi khawpuia R.K.Ruram Sector 3-a inthawka Mahipalpur, Greater Noida, annawleh, Mayur Vihar-a bu faka fe dam kha hla ei ti vieu a. A hla renga, car nei naw ta ding lem chun taxi, annawleh, auto-rickshaw lak a tul a, minit 45 bek hun a lak hlak. Khang kha chu nep tak a nih. Kilstett, France-ah sunbu fa tlang dingin Switzerland le Germany-a inthawka hung chu, a mei mei an nawh; inngaina hle naw hai thaw chi a ni naw tawp.
Zurich, Switzerland-a inthawkin Hahat Melchior (Haokip) le a pasal Thomas le an naupa thuoiin an hung a. Hahat hi ka naupa (late) Isaac L.Hmar le lo inruol tha hlak le a hnung peia ka naunu Linda Mawii le hung inruol tha nawk pei an nih. Manipur-a a nu le pa lung daw zo a, Zurich-ah khawm chawl sawt hman loa France-ah darkar 2 neka sawt cara tlana hung vang vang an nih. Hahat hi nu dynamic, Thadou, Mizo, Meitei le Hmar tawng chu mani tawng ang chara hmang thei vawng a nih. English lem chu a thiemzie chu kel bang liek ang tawp a nih. Ama hi ABB (ASEA Brown Boveri), Marketing & Internal Communication-a sin chel lai a nih. A thawkna ABB hi Multinational Corporation: robotics, power le automation tecnology tieng company a nih a; Engineering le Conglomerates tieng lem chu khawvela a lien pawl tak a nih. Hi sin a thaw lai zing hin Master Degree in Corporate Communication a lo lak nawk tah. Nu suongum, entawn tlak (role model) a tling tak zet.
Germany-a inthawkin Elvi Soro le a pasal David Uwe leh an hung bawk a. Elvi hi Tangkhul, Chingjoy, Ukhrul North-a lo um hlak, nu bengvar le fel tak a nih. Mi rama Meitei tawnga zuk hohlim khawm ei har huoi el. Elvi-hai nupa hi Germany simthlanga Baden-Wurtemburg state sunga Karlshure khawpui bula cheng an nih. Karlshure kawl hnai khawpui lien ei hriet lar deuh hai chu Stuttgart le Frankfurt an nih. Kan umna Kilstett, (France)-a inthawkin darkar khat vel cara tlan a ngai.
Karlsruhe-ah hin Europlaza dawr lien tak a um a. An dawra banner mawi tak, "Amazing Fashion, Amazing Prices" ti dam an lo tar a, French mi ang an ni nawh, English an hmang nuom khawp el. Karlshure tlung hma hin Baden-Baden Airport a um a. Tum khat hi Airport hi kan sir a, kan hung kir tieng ramhmang hnuoia summer flower kan hung thliek malam a. Thingbul pakhat belin uichal inzunin kan zuna, chu zo leh ka khaksaw ka sak nawk a. Pi Angela Merkel ramah ka zun le ka khatsaw ka zu thawlawm ve an ta khah! Lamthuom hmun khat lai signboard "UMLAITUNG" ti ziek a lo intar a. Hmar tawng ka sawn a, "lamtung a um" an ti tumna ning a tih ka ti leh, ka makpa'n German tawng a nih a, English chun "diversion" tina a nih a nih a tih. Hmar tawng dam chu, kahase!
Ei thupuiah bawk zuk lut nawk ta inla. Kan sunbu chu "Tribal diet" le "European diet" inkawp a nih. Hahat-in ngathu, ngatawl, bekanthu le thambal zung a hung chawi a. Ironba siem a nia, zawngta sathu ngeia deng a um bawk a. Elvi-in thambal zung atnawi, ngathu le aithang leh a lo chawkpawl bawk a. Hahat-in ruotuoi, khanghmuk le manta changal sathu inhuom bawtin a lo suong bawk a. Linda in a thei tawkin bawngsa suong (a bible) chartangin a suong bawk. Kha nia Sathu hme, Sathu hmebang le ngathu deng hme pawl hai khan chu, inhnik an ti hle ning a tih, an phing na rakin an fak a ni awm. Pu (late) Monggan hla phuok hi an hriet dawk rum rum ka ring:
Sathu hme ka hang hme a,
A thu, a hang a kim ngei ie;
Lung reng a kim ngei ie,
An leh, iem an ta?
Sathu hme, sathu hme ma ma a lo nih.(LH.128)
Pu Rev Lalngaisang lem chun ei Sathu changal hmehai hi thahrui petu le thluok sukhrattu ni hielin a hriet a. A hla phuok hi hei tiem ta:
Sathu, machi, changal, hmarcha chawkpawl chu,
A tha tawk, kawltu chawia ram tuon dingin;
Thahrui a pek, sikul hraichawi ta dingin,
Hrietna tha, sierkawp hriet theina;
A pek, ei tlangram thil.(LH.36).
Ngaidan a dang pawm dan a dang. Kei ruok chu European diet kuh hi ka zawngsak an tah. Pu Lalngaisang khawm Wales ram a sir hnungin hla phuok tha nawk sien chu, "Anleh iem an tah, Tuipuiral hme ma ma a lo nih" ti hi a thlawp ve tah ka ring.
Ei Mingo makpahai leh European diet kan chen ve thung a. BBQ thawin;arsa le vawksa Chinese style marinate, le filet steak (bawngsa a zangru kara a taksa ) tuitang takin ka naunu Linda Mawii'n a lo buotsai diem a. Hienghai hi inhnik tin du hle inla khawm khawp rak loa fak ding; hi zo hin bread inhnik chi le cheese la fak nawk ding a ni leiin. Cheese ngawt khawm chi 365 neka tam France-a um a; hi ni ruok hin chu chi 11 chauh sie a nih; hi khawm hi tlawmte te lawr khawm diet dieta fak ding a nih. A tawpa dessert inhnik tak tak jogurt/icecream chi tum tum fak ding a la um rawp. A tawp taka coffee dawn ta chun, beisei ding dang a um ta nawh. Ziel hawp mihai chun Rothmans/John player king size sirek hip el a tha.
Ei farnu le ei nauhai khawm European culture-a kum tam taka lo inbaptis ta an ni tawl leiin, a ram dan ang peia bieng inchuktuo zoa inthe a lo tul tah. "Hnam dang dan thahai la veng ei ta" ti changchawiin, Delhi, Imphal le Churachandpur haiah bieng inchuktuo hi ching zawngsak pal rawi ka ta, mihaiin 'a va polite de' ti nekin 'a va ler de' mi ti rawi an tih ti hi kan lau thar. Chuleiin, chibai bawk hi uor ka ta, him lem a tih. Messenger ka thawn nuom pal leh, ka kutchal hmang ta de ning.(Kilstett, France, 13 June, 2015).
Delhi khawpuia R.K.Ruram Sector 3-a inthawka Mahipalpur, Greater Noida, annawleh, Mayur Vihar-a bu faka fe dam kha hla ei ti vieu a. A hla renga, car nei naw ta ding lem chun taxi, annawleh, auto-rickshaw lak a tul a, minit 45 bek hun a lak hlak. Khang kha chu nep tak a nih. Kilstett, France-ah sunbu fa tlang dingin Switzerland le Germany-a inthawka hung chu, a mei mei an nawh; inngaina hle naw hai thaw chi a ni naw tawp.
Zurich, Switzerland-a inthawkin Hahat Melchior (Haokip) le a pasal Thomas le an naupa thuoiin an hung a. Hahat hi ka naupa (late) Isaac L.Hmar le lo inruol tha hlak le a hnung peia ka naunu Linda Mawii le hung inruol tha nawk pei an nih. Manipur-a a nu le pa lung daw zo a, Zurich-ah khawm chawl sawt hman loa France-ah darkar 2 neka sawt cara tlana hung vang vang an nih. Hahat hi nu dynamic, Thadou, Mizo, Meitei le Hmar tawng chu mani tawng ang chara hmang thei vawng a nih. English lem chu a thiemzie chu kel bang liek ang tawp a nih. Ama hi ABB (ASEA Brown Boveri), Marketing & Internal Communication-a sin chel lai a nih. A thawkna ABB hi Multinational Corporation: robotics, power le automation tecnology tieng company a nih a; Engineering le Conglomerates tieng lem chu khawvela a lien pawl tak a nih. Hi sin a thaw lai zing hin Master Degree in Corporate Communication a lo lak nawk tah. Nu suongum, entawn tlak (role model) a tling tak zet.
Germany-a inthawkin Elvi Soro le a pasal David Uwe leh an hung bawk a. Elvi hi Tangkhul, Chingjoy, Ukhrul North-a lo um hlak, nu bengvar le fel tak a nih. Mi rama Meitei tawnga zuk hohlim khawm ei har huoi el. Elvi-hai nupa hi Germany simthlanga Baden-Wurtemburg state sunga Karlshure khawpui bula cheng an nih. Karlshure kawl hnai khawpui lien ei hriet lar deuh hai chu Stuttgart le Frankfurt an nih. Kan umna Kilstett, (France)-a inthawkin darkar khat vel cara tlan a ngai.
Karlsruhe-ah hin Europlaza dawr lien tak a um a. An dawra banner mawi tak, "Amazing Fashion, Amazing Prices" ti dam an lo tar a, French mi ang an ni nawh, English an hmang nuom khawp el. Karlshure tlung hma hin Baden-Baden Airport a um a. Tum khat hi Airport hi kan sir a, kan hung kir tieng ramhmang hnuoia summer flower kan hung thliek malam a. Thingbul pakhat belin uichal inzunin kan zuna, chu zo leh ka khaksaw ka sak nawk a. Pi Angela Merkel ramah ka zun le ka khatsaw ka zu thawlawm ve an ta khah! Lamthuom hmun khat lai signboard "UMLAITUNG" ti ziek a lo intar a. Hmar tawng ka sawn a, "lamtung a um" an ti tumna ning a tih ka ti leh, ka makpa'n German tawng a nih a, English chun "diversion" tina a nih a nih a tih. Hmar tawng dam chu, kahase!
Ei thupuiah bawk zuk lut nawk ta inla. Kan sunbu chu "Tribal diet" le "European diet" inkawp a nih. Hahat-in ngathu, ngatawl, bekanthu le thambal zung a hung chawi a. Ironba siem a nia, zawngta sathu ngeia deng a um bawk a. Elvi-in thambal zung atnawi, ngathu le aithang leh a lo chawkpawl bawk a. Hahat-in ruotuoi, khanghmuk le manta changal sathu inhuom bawtin a lo suong bawk a. Linda in a thei tawkin bawngsa suong (a bible) chartangin a suong bawk. Kha nia Sathu hme, Sathu hmebang le ngathu deng hme pawl hai khan chu, inhnik an ti hle ning a tih, an phing na rakin an fak a ni awm. Pu (late) Monggan hla phuok hi an hriet dawk rum rum ka ring:
Sathu hme ka hang hme a,
A thu, a hang a kim ngei ie;
Lung reng a kim ngei ie,
An leh, iem an ta?
Sathu hme, sathu hme ma ma a lo nih.(LH.128)
Pu Rev Lalngaisang lem chun ei Sathu changal hmehai hi thahrui petu le thluok sukhrattu ni hielin a hriet a. A hla phuok hi hei tiem ta:
Sathu, machi, changal, hmarcha chawkpawl chu,
A tha tawk, kawltu chawia ram tuon dingin;
Thahrui a pek, sikul hraichawi ta dingin,
Hrietna tha, sierkawp hriet theina;
A pek, ei tlangram thil.(LH.36).
Ngaidan a dang pawm dan a dang. Kei ruok chu European diet kuh hi ka zawngsak an tah. Pu Lalngaisang khawm Wales ram a sir hnungin hla phuok tha nawk sien chu, "Anleh iem an tah, Tuipuiral hme ma ma a lo nih" ti hi a thlawp ve tah ka ring.
Ei Mingo makpahai leh European diet kan chen ve thung a. BBQ thawin;arsa le vawksa Chinese style marinate, le filet steak (bawngsa a zangru kara a taksa ) tuitang takin ka naunu Linda Mawii'n a lo buotsai diem a. Hienghai hi inhnik tin du hle inla khawm khawp rak loa fak ding; hi zo hin bread inhnik chi le cheese la fak nawk ding a ni leiin. Cheese ngawt khawm chi 365 neka tam France-a um a; hi ni ruok hin chu chi 11 chauh sie a nih; hi khawm hi tlawmte te lawr khawm diet dieta fak ding a nih. A tawpa dessert inhnik tak tak jogurt/icecream chi tum tum fak ding a la um rawp. A tawp taka coffee dawn ta chun, beisei ding dang a um ta nawh. Ziel hawp mihai chun Rothmans/John player king size sirek hip el a tha.
Ei farnu le ei nauhai khawm European culture-a kum tam taka lo inbaptis ta an ni tawl leiin, a ram dan ang peia bieng inchuktuo zoa inthe a lo tul tah. "Hnam dang dan thahai la veng ei ta" ti changchawiin, Delhi, Imphal le Churachandpur haiah bieng inchuktuo hi ching zawngsak pal rawi ka ta, mihaiin 'a va polite de' ti nekin 'a va ler de' mi ti rawi an tih ti hi kan lau thar. Chuleiin, chibai bawk hi uor ka ta, him lem a tih. Messenger ka thawn nuom pal leh, ka kutchal hmang ta de ning.(Kilstett, France, 13 June, 2015).
