“ALMOST CHRISTIAN” “Kawng khat I la bak”
Mark 10:172
Kum 2004 khan Sikkim khawpui Gangtok ah local kohran
inzawmkhawm hai in pastor le leader hai training nei dingin an mi fiela.
Chuonglai hun chun Sikkim state ah Christian nasa takin an punga, kohran hai
khawm an hrat hle in ka hmu. Street program hai khawm hlawk takin an hmang
hlak. Kum thum hnungah an mi ko nawka, an ngirhmun alo danglam ta hle el. An
pastor pakhatin “Street program hai khawm kan hmang ngam ta nawh a, ni dang ang
an ta nawh” a tih. “Asan chu Hindu Sangh Parivar hai an hung, Christian ah lut
naw ro, mi thalo an nih. Drug addict, Zu ngawl vei, underground le rukru le mi
corrupt tak an nih. Trishul le do ro” an tia. “Chuleiin kan fimkhur a nih” a
tih a. Isu Krista hming hi ringnawtu haiin an suksiet nawh a, ringtu inti,
Christian haiin an suksiet rawp hlak a nih. India ram sunga Christian tamna
state hieng Mizoram, Nagaland, Meghalaya le Manipur hai hi suolna chi dang
danga filawr an nih. Chuleiin, hieng state haia ringtuhai hi ‘mi inza kai le
ngaisang’ ei ni naw hrim a nih. Western (khawthlang) nun copy mei mei ah an mi
ngaina a um. Ei lungril a chin a, ei hrietna a zau bawk nawh a, Pathien thu
kawra hmang mei mei ei tam bawka, Kawr le Vai ringnawtuhai mi’n za ding ziezang
ei ni naw hrim a nih. “Almost Christian” ang deu ei nih.
Rev. Raymond, USA senior pastorin lekhabu “Almost
Christian” ti a zieka. Chutaka a lakdawk chu Mark 10:1722 sunga ‘Tlangval
hausapa’ chanchin hi a nih. Tlangval hausa, chatuon hringna zawngpa kha,
“Almost Christian” a kaiphak chau ani chun, eini rawi hin “Almost Christian”
chu kai phak naw tawp ei tih! Kha tlangval pa kha a chinte a inthawka,
nungchang tha, Pathien thu zawm, naupang tha em em a nih. Dan sawmpek kha paruk
tawp el a hraw kim zar zar a na! Mi hmingtha le mi inzaum tak ani ngei ring a
um. A nungchang ding tlangpui chu hieng ang deu hi ning a tih:
· Bible tiem rawp hlak le inkhawm taima em em; tawngtai
zing, mi tha le fel, mi indik le ringum, mi taima le rem hrie tak ni ngei atih
· Pathien ti mi ani zie chu mipui kha zozai lai Isu
hmaa ah a dingthathuon a nih. Piengtharna indiktak a um ngei ani ti a ring tlat
khan mifel le thil ngaituo chet chet mi ani ti a suklang.
· Tlangval tha, zu le sa ah khawm inhnam hnawi lo,
hlepru lo, mi dem pawr pawr ngailo, nu le pa inza mi, tawng tlahawl lo, mi
inngaihnuoi tak le tlawmngai theitak ani ring a um.
· Khieng
ang nungchang le hringna thatak nei nisienkhawm, chatuona hringna a nei naw
leiin, “Almost Christian” an naw leh, “Convenient Christian” (remchangna china
chau zui ringtu) tia ko a lo nih. An leh, ei ni tieng hang in en nawk ei tih
le??
· Bible
an khat tawk vieta tiem, an lang chang changa inkhawm hram hram! |awngtai zeu
zeu! Indikna le ringumna neka sum ngaina lem, thabo si hausa nuom tlat.
·
Pathien tina nei ang deua uma, nei taktak si lo, ringna neia inngai si’n mi
siemtha chuong bawk lo. Piengtharna testimony nal fu si, hringna inbai tut!
Bau Christian le thua Christian.
· Zu du,
suol dang dang intem deu vawng, hur bawk, hla sak thei le hlim tum bawk ei nih!
Hleprukna chu suola ngailo, midem chu Vawksa neka ei chak lem ni zing, tawng
tlahawl tak, insum theilo ei nih!
· Mani
tawka Chapo âl el, inngaitlawmhai khawm ‘inngaitlawm chapo’ ei nih! Ngaidan nei
tak, mi lien le mi ropui deu hai khawm inzana nei thak lo, mani neka upa lem
inza nachang khawm neilo, piengpui hmangaina nei bawk lo, mi duam, hnuk inrawl
le virkawngkawi ei nih!
· An
hnuoi le chautak ni zing khawma, mi hnam neka insang lema inngai zing, nina
hrelo ei nih. Taimakna kawngah Phaivang kuoma inchuk ngai, lekha tiem ding chun
paragraph khat khawm sei taluoa hmu hlak, zingkar tho chu Sakei ti a ti ei nih!
· Krista
zara in unauna hrephak mumal umlo; pa hnam le kohran pawlbik ah ei phul bat bat
a ani ringawt el, puon kangin ei hrawt vel hi ani deu tak.
Hieng ang nungchang put zing hin ‘Tlangval hausapa’ nekin thalem ah
inngai thei ei ti? Tulaia ringtu intihai mizie hi ieng ang am ana, ti ngaituo a
hun ta hle. Fathers’ day tuk khan rawngbawltu pakhatin ami hung kova hieng ang
hin a hril, “Pu Tulai hin Setan hi nasatakin a lung a sen a nih. Ka thaw ding
ai popo Kristien haiin an thaw zo vawnga, ka rawihai tha a bo zo tah” tiin!!
Chu ni chun ramtin a min ngaituo tir pha! Ei ringna chu insang tak ah ei sie a,
ei hril a, ei sak a, ei lam a. Program thatak tak le mawitak tak ei duong a.
Thiemtak takin program ei hmanga, ei lawmman tawk chu a tlinga, hringna siemthat
nading ruok chun ei hmang nawh. Ei hringna ruok chu a derdep em em! Hringna
indiktak, indikna, ringumna, hmangaina ti hai hi ei hril pei naw chau ni lovin
a ngai in ei ngai thlak pei tanaw a nih. Tlangval hausapa kha “Almost
Christian” or “Convenient Christian” a lo ni chun, eini rawi hi ieng ang
Christian am ni tang ei ta?!? Sap thuhriltu pakhat in “Vanrama tamtak ding chu
Lei (tongue) a nih” a tih! Taksa peng dang Vanram kai lovin ‘Lei’ (Tongue) an
in phu mur mur ding a tih”! Chuleiin, “Lei Ringtu” or “Tongue Christian” eini
lem el naw ding? Nominal Christian inti chu ala changkang taluo rawp a nih!
Unau, nang, ieng ang Christian am I ni lie?
