Malsawmkima
Aizawl, May 8,2015: Mizoram Police Public Relation Officer a inthawka thusuok dungzui chun tarik 7th May, 2015 khan Mizoram le Manipur ramri laia Operational Party hai chun Zokhawthieng lambunna a thang hai chu Tieulien Manipur khoua an um thu chiengtakin an dawng thu a hrila, hieng hel hai hi lo zamhmang hman an inlau leiin Manipur Police le Assam Rifles hai hrilna hun a um ta naw leiin Operation Team hai chun Manipur a Tieulien khuo chu panin tarik 8th May, 2015 zingkar an tlung thu a hrila, HPC-D hai hin Mizoram Police hai hung lo hmu in tlanhmang an tuma, tlan lo dinga inhriettir anni le inruolin an invenghim tumna in an hung kapkir niin a hril

Hienga inkaptuona a hin HPC-D pakhat chu kapfuk ani a, a hliem tour zo lovin a hmuna a thi nghala, a dang hai ruokchu a hmuna inthawkin an tlanhmang nghal thu a hrila, kaphluma um hi MAP deserter Constable Malsawmkima niin le Zokhawthieng lambunna a thang ngei nia hriet a ni thu Mizoram Police Public Relation Officer thusuok chun a hril.

Thu ei dawng nawk pei dan chun Malsawmkima ruong chu zantieng dar 3 khan Sakawrdai tlungpui a nia, tuhin Sakawrdai Police Station ah la sie a nih. 

Post a Comment

Powered by Blogger.