Sakawrdai, May 20,2015: Sakawrdai Sinlung Hills Development Council Headquarters ah May 16th , 2015 khan Hmar Martyrs’ Day chu Community Hall ah Sakawrdai-a Khawtlang ṭhuoituhai huoihawtna hnuoia hmang a ni a. Mipui 600 lai hi hun a hin fêkhâwmin, Hall tuol-a hai khawm Hall inleng lo iemanizât an um bawk. Hnam ta dinga hringna hlutak lo inhlân ta hai hriet zingna le inzana hun silent prayer minutes 2 nei a ni a. Hnam Pasalṭha hai hrietzingna Parṭhi inhlanna group dang danghai anthawk nei a ni bawk.
Hi hunna thu hriltuhai lai a, Sakawrdai, Former VCP, le Treasurer HPC Pu Hrangthankhuma chun, “ Political Parties hrang hranghai khawm ei area(s) hmasawnna ding le hmalakna a hai tu pawl kha pawl ti lova inthuruol taka kalpen seng ding ei nih a ti a. Mani ṭanghma chau ngai lo ding le MNF, Congress, ZNP le MPC e.t.c khawm ni inla Hmar takin ei ni thei tho a nih a ti bawk”.
A hril zawm pei na a chun, “vawisun (16th May, 2015) Martyrs’ Day ei hmang hih, Sinlung Hills Development Council (SHDC) a'nthawk sanctioned/fund tukum ei hmu naw lei el a, Martyrs’ Day hi inser naw ding ei ni naw a, hmundang Mizoram puotieng a ei unauhai in vawisun ni chen hin Council a'nthawk sanctioned/fund hmu in Martyrs’ Day an hmang ti khawm ei hriet ngai nawh. Chuleiin, vawisun (16th May, 2015) hin in ngaituong ei tiu, Martyrs’ hai zâr chau hi’m a nih zo ei nuom?
Martyrs’ hai hi ei zar ei in zo tir ve thei naw mani ti hi ka dawn cheu a nih tiin a hrila, ei unau puotieng ami ha’n an min hnikpui a, ADC lo hmu ni inla khawm direct takin hung sawr naw nihai, hung inpemlut khawm hung inpemlut naw’ng an tih. An ni chitta officer lien fakzawngna ṭha tak neiseng an nih. Eini Mizorama umhai hi an mi hmangai leiin mi ang ni phak ve hai sien an mi ti a, an mi’n hnikpui chau lem a nih. Chulaizing chun area mipui in ngaivenna chang khawm hre lova ei pasalṭhahai Martyrs changna khawm ngaihlu lo ei ni hi chu inzakna chang i hriet chun inzak hle’ng ei tih”, a ti bawk.
Thuhriltu dang dang hai khawma, Martyrs’ hai inza an um thu le hnam ta dinga an inpekna ngaisâng a um thu le inzâ thlâk an ni thu uor takin an hril baka, “Hmarthimpui zang khawbungbu’t” hun chu la um ve ngei an ringthu an hril tawl.
Hlasakthiem hai anthawk Hnam hla ngaithlâkna hun hai nei ani hnung in, Martyrs’ Day chu in pâm tak pum’in suk tawp a ni a. Refreshment inhnik tak el fak tlangna hun tawp ah nei a nih.
Hi ni hin SHDC areas huomsung hmun dang danga hai khawm Hnam Pasalṭha ni hi ursun taka inser a ni bawk
Hi hunna thu hriltuhai lai a, Sakawrdai, Former VCP, le Treasurer HPC Pu Hrangthankhuma chun, “ Political Parties hrang hranghai khawm ei area(s) hmasawnna ding le hmalakna a hai tu pawl kha pawl ti lova inthuruol taka kalpen seng ding ei nih a ti a. Mani ṭanghma chau ngai lo ding le MNF, Congress, ZNP le MPC e.t.c khawm ni inla Hmar takin ei ni thei tho a nih a ti bawk”.
A hril zawm pei na a chun, “vawisun (16th May, 2015) Martyrs’ Day ei hmang hih, Sinlung Hills Development Council (SHDC) a'nthawk sanctioned/fund tukum ei hmu naw lei el a, Martyrs’ Day hi inser naw ding ei ni naw a, hmundang Mizoram puotieng a ei unauhai in vawisun ni chen hin Council a'nthawk sanctioned/fund hmu in Martyrs’ Day an hmang ti khawm ei hriet ngai nawh. Chuleiin, vawisun (16th May, 2015) hin in ngaituong ei tiu, Martyrs’ hai zâr chau hi’m a nih zo ei nuom?
Martyrs’ hai hi ei zar ei in zo tir ve thei naw mani ti hi ka dawn cheu a nih tiin a hrila, ei unau puotieng ami ha’n an min hnikpui a, ADC lo hmu ni inla khawm direct takin hung sawr naw nihai, hung inpemlut khawm hung inpemlut naw’ng an tih. An ni chitta officer lien fakzawngna ṭha tak neiseng an nih. Eini Mizorama umhai hi an mi hmangai leiin mi ang ni phak ve hai sien an mi ti a, an mi’n hnikpui chau lem a nih. Chulaizing chun area mipui in ngaivenna chang khawm hre lova ei pasalṭhahai Martyrs changna khawm ngaihlu lo ei ni hi chu inzakna chang i hriet chun inzak hle’ng ei tih”, a ti bawk.
Thuhriltu dang dang hai khawma, Martyrs’ hai inza an um thu le hnam ta dinga an inpekna ngaisâng a um thu le inzâ thlâk an ni thu uor takin an hril baka, “Hmarthimpui zang khawbungbu’t” hun chu la um ve ngei an ringthu an hril tawl.
Hlasakthiem hai anthawk Hnam hla ngaithlâkna hun hai nei ani hnung in, Martyrs’ Day chu in pâm tak pum’in suk tawp a ni a. Refreshment inhnik tak el fak tlangna hun tawp ah nei a nih.
Hi ni hin SHDC areas huomsung hmun dang danga hai khawm Hnam Pasalṭha ni hi ursun taka inser a ni bawk
