Aizawl, May 18, 2015: North East India Christian Council Youth Assembly (NEICCYA) Biennial Assembly vawi 16-na chu May 15, 2015 khan  Aizawl Temple Corps biekina tanin zanizan khan a tumtiek.

NEICCYA Assembly-ah hin Inrinni khan sunnithlak in Bussiness Session nei niin, kum 2015-17 sunga thuoitu ding an thlang. President dingin Rev. Eleazer Sanglyne (KJP Synod); Vice President dingin H Lalthanliana, MṬKP (BCM); Secretary dingin PC Biakmuanpuia, CKṬP (Mizoram Synod); Assistant Secretary dingin Jimmy Laltlanmawia, SAY (Salvation Army); Treasurer dingin Rev. Samuel Dkhar, Church of God len Finance Secretary dingin Rev. Salem L. Hmar, CKṬP (EFCI) hai an thlang.

Inringni zan khan Booth Mansion Hall-ah variety programme nei a ni a; zanikhan khan vantlang inkhawm nei a nih.

NEICCYA hi NEICC hnuoia ṭhalai pawlhai inzawmkhawm a ni a; India hmarsak biela kohran pawl 35 le para-church pakuo an thang a nih. Tuta tum Assembly-ah hin Manipur, Meghalaya, Assam, Nagaland le Mizoram ainthawkin palai 408 an fekhawm a nih.







Post a Comment

Powered by Blogger.