Aizawl, May 14, 2015 (Virthli News): Nuhmei naupang kum 13 suolluitu (pwngsuoltu) Henry Khanthanga (38), Changpui khuo chu Lunglei District & Session Judge Marli Vankungi’n kum 10 sung lungin intang ding le Rs.2000/- chawi dingin vawisun khan a chungthu a rel.

Henry Khanthanga hin 12 October, 2013 zan dar 8:00 vel khan nuhmei naupang kum 13 mi chau chu an in thlanga inhnawm (in ek) a fe chu a hungkir tieng a lo mana a suollui leiin man a ni a. A lakah Chargesheet thelut a ni hnungin Prosecutor ha’n theitawp suoin thilsuol thawtu hi dân ang taka hrem a ni theina di’n hma an laka, thuhretu khawm mi 6 ko an ni nghe nghe a nih. Court ah evidence lak a ni hnung le thisuol thawtu khawm dân ang taka inhrilfiena hun pek a ni hnungin Court chun a case hi ringhla ruollo a an dik a nih tia a pawm leiin Henry Khanthanga chu kum 10 sung lungin intang dingin thiemnaw inchangtir a nih.

Post a Comment

Powered by Blogger.