Responsive Ad Slot

HPC(D) mi pathumhai Court a an inlang

Thursday, May 28, 2015

/ Published by LALRINTLUONG KUNGATE
28-05-2015 : HPC(D) army chief   Lalropui Famhoite, finance secretary Norbar Sanate le Ngurthantluong Sanate hai chu zani khan Court a an inlang nawk a; Lalropuia chun, tukuma V/C inthlang dinga Mizoram hmar tlangdunga inthlang boycott dinga relnaa a thang ve thu Court a a hril.

HPC(D) mi pathumhai hi April 16, 2015 a Silchar a man an ni a; Lalropui Famhoite chun Magistrate indawna dawnin, Zokhawthieng a MLA hai  lambun chungchang a hrietpui naw thu ahril; H Zosangbera chu HPC(D) hotu tak niin, a thu an zâwm hlak a, nisienlakhawm, an sipai hai thunun zo naw chang an nei ve hlak ti thu a hril.

Lalropuia chun, khaw 31 a V/C inthlang boycott dinga HPC(D) Council Meeting-a athanga , thutlukna siem ní a ruok chu athang ve naw niin ahril; kum 2014-a Aizawl hmun hran hrana bomb puok chu HPC(D) hai thaw ani, mi that tum na niloin, mipui rîkrâp na dinga thaw ani tiin ahril



Source : Vanglaini Daily News


Don't Miss
© all rights reserved
made with by Simon L Infimate