Pu Malsawmkim hi Pu Kapthieng le Pi Lalbieksung hai kar a nau pathumna ni dingin 26th Oct. 1984 khan Sakawrdai khuo-ah a pieng a. An unau hi pasal pali le nuhmei pali an nih.
A unau hai, upat dan indawtin:-

1. Hc Lalringdik
2. Ramkinlo
3. HC MALSAWMKIM
4. Lalzarzo
5. Vanlalchawl
6. Lalbiekrawn
7. Lalthahlun (L)
8. Lalvobik.

Ama hi a naupang laia inthawk a ruol pawl thiem tak le pa taima tak a nih. Inchukna tieng pang chu hrilding a nei ve rak nawh a, Cl-VII a zo ve hram a nih.

Kum 2006 khan Lalthanzo D/o VL Sawna, Sakawrdai leh in neiin nau nuhmei pahnih; Zonunmawi (6) le Lalumpui (2) mi an nei.

Kum 2007 khan IR Battalion ah lutin hi kum vek hin training a zo a. Training a zo hnung hun sawtnawte kum 2008 khan instructor dinga hmang zawm nghal a ni bawk. Training instructor a ni hnung hin thla thum sung special training dinga select a ni nawk a, hi course hi a zo a nih. Hiengang hi a ngirhmun ani lei hin a mizie awm chu ei hrietthiem el ring a um.IR a thang sung hin Assam-ah kum khat le a chanve a zu um a, hi hmuna inthawk hin Mizoram sorkar chun lasuokin 1st MAP ah sawn a nih a, Sakawrdai post ah sie nghal a nih.Sakawrdai post-a a um sung hin kohran le khawtlangah an hmang nasa hle a, kohran le NGO hai inro hlaw tak a ni bawk.

Kum 2014 July thla khan alo nuom em em hlak le a ruol hai bula alo hril vet hlak chu sukpuitlingin Silai pahni tlanhmang puiin HPC(D) hi a zawm ta nih.
HPC(D) a zawm hnung hin Mizoram-ah HPC (D) hriet a ni theina dingin 8.3.2015 khan Zokhawthieng (Kâni) hmunah Mizoram MLA pathum guard hai chungah action la in Mizoram Police pathumin hringna an chan a nih. Hi huna hin a zaidam zie le a zaidaw thei zie kha ei hriet vawng ring a um. Kha huna khan an renga rûtfai thei le MLA hai ngei khawm thuoihmang thei anni lai zingin Malsawmkim chun MLA Pu RL Pianmawi kuomah, "Mizoram Police-ah chuan Hmar tan chawlh a awm loh avangin chawl lovin ka bei ta zel a ni" tiin tha taka inchibai puiin an thla a ni kha.

A hun nuhnung:
Tuta hnam tadinga a hringna an hlanna hmun a a um thu hi report tha tak chu a um ni ngei ding ana, 7/5/2015 zan khan MAP hai chu vadung (Tuiruong) panin mi 80 vel an fe a, hi huna hin Sakawrdai biela tower popo off vawng a nih.

Malsawmkim hai riekna in, Tieulien
Chuongchun, MAP 80 vel chun Tieulien khuo chu an zu tuom ta ngei a, ramhnuoimi na nana chu an bengvar deu ni ngei a tih anlo inthierfihlim hman a. MAP a tam lem chu beidawngin an lawng an pan ta hiel a nih. Chulaizing chun, Malsawmkim hin an bîkna hmuna inthawkin an inkieng zo le zo naw en dingin a suok zau chu, ala chambâng haiin an lo hmu hman a an hnawde ta a nih. Chuonga an hnawde hnung chun number an tiem a, sawm chena inpe dinga an warned leiin 1,2,3,4,5,6,7,8,... pakuona a hin an pek ta a nih. An pek hnung hin a kut le ke chu nylon; Tieulien hai Tîngban ngei hmang chun a kut le ke an khuopde a, Tuiruong tieng an thuoi a. Hi huna an dawpna chu:
MAP : Khawla'm silai in sie a?
MS : Patpuihmun
MAP : I rawi pa kha tum a nih, iengtin am an thuom a?
MS : Kekawrbul var a bun a, tawnzau var a hâk bawk.

Hiengang hin MAP hai chun a rawipa,chu khawsungah an hang zawng a, a hril ang lo inthuom Tieulien mi chu manin phîrhnungkhira khitin Malsawmkim a bulah thuoi thlak a nih. An mi thuoi thlakpa tlung hma hin Malsawmkim chu phîrhnungkhira bawkkhupa lo um a nih, khawsung mi an man pa hi Malsawmkim a bul an tlung hnungin a awmah an sirthluk a, Malsawmkim chungah a zal a, chu chu Malsawmkim chun lo hmu in, "Hi pa hi HPC(D) ah inhnamhnawina a nei nawh, insuo nghal ro" a ti a nih.

Hi hnung sawtnawte a hin Malsawmkim an,phierna kut le ke chu sûtin MAP hai chun, "Tlan rawh le" an ti a, Malsawmkim ruok chun, "Ka tlan dawn lo" a ti a nih.
(Hi huna hin mi tam tak chun a pistol paia inkap anga ringna a um a, a pistol hi a bag sunga um a nih)

An phirna hrui an hlip hnung hin, "Sawt liem ta chuong naw ni" ti a an hril hnungin Tuiruong pang tieng an thuoi a, minute 5 vel hnungah silai an ri thuoi thuoi ri hriet a nih.

A thisen luongna le silaimu rûtna hi 25' le 30' inkar chau a nih."Nikhat chu hmelma kuta la thi ve ngei ka ta, ka thina hin thangthar hai lai thu la hril ve ngei a ti" Mizoram sorkar chun misuol thi in inthi tir sienlakhawm Hmar nau hai tading chun Hnam hmangaitu indik tak a nih.
MAP han tingban hrui an atbawng na
Malsawmkima in surrender dinga a hung kaitungna lai
A bawkna hmun
An khitna hrui
Malsawmkim a ruong zalna le silai mu i dengna hmun



An riekna in


A naunu a naupang lem

Post a Comment

Powered by Blogger.