Aizawl, April 19, 2015:  Home Minister, R. Lalzirliana chun,  April ni 30 a Village Council inthlangna um ve thei naw ding khaw 30-a VC member hai chu inthlangna an nei thei hma chu an term pawt sei pek an ni ding thu a hril.

Zalen -Pathienni zata chanchinbu suok zawna dawn'n Zira chun Aizawl District huom sunga khaw 24 le Kolasib District a khaw 6-ah VC/LC inthlangna nei a ni ve naw ding thu a hril a. Inthlangna nei a ni naw ding leiin VC nilai mek hai chu Sawrkarin inthlangna a buotsai pek hma chu an mawphurna hi inchel zawm tir dingin a hril.

Lalzirliana chun, HPC (D) hai chet dan chu a dem a, dan puo a hnawl dinga Opposition party han lungruol taka sawrkar an thlawp chu lawm um a ti thu hrilin, thawtlangna tha neia thang lak a hun lai taka opposition party han hiengang lungril an put hi thil lawmum tak a ni thu a hril.

Zira chun, HPC (D) hai leh sawrkar anga inbiekna nei an tum naw thu a hril a. Home Minister chun, inremna nei dinga HPC (D) hotupa Sangbera biek tuma Silchar tienga an rawihai an tir zo chau kar 2 hnung vela rawngtaka an che zui nghal ta leiin ring ngam chi a an ngai ta naw thu a hril. Tuta ngirhmun a chun sawrkar angin an ni hi biek tumna an nei naw thu le an phu tawk ang pek an tum a ni thu a hril bawk a nih.

Post a Comment

Powered by Blogger.