Aizawl (09/04/2015): Vawisuna MNF National Executive Meeting, Mizo Hnam Run Meeting Hall-a neia chun SHDC huom sung Disturbed Area a puong chu tha an ti nawh a; meeting an neina a chun hieng a hnuoia hai hi lungruol takin resolution an passed : 

1. Ni 28.3.2015(Inrinni)-a Zokhawthieng laia hel han Assembly Assuarance Committee member MLA pathum (3) Tuivawl Constituency a Official-a fehai lambuna ‘Dawl zawra zawr a’ an lo siem hi iengti kawng zawng khawmin kan hrietthiem nawh a. Chuelbaka, anni vengtu Police pathum (3) lai an kaphlum le mi 6 an kaphliem hai lem hi chu rapthlak kan tiin kan dem takzet a nih. Hi thil tlung lei hin titi vuongva tha lo tak tak Social Media chi hrang hrang haia hung inlang hin mipui ngaituona a sukbuoi takzet a, Hi thil tlung hi a nina diktak mipuihai hril hriet hi sawrkar in a bata kan ngai a nih. Chuleiin, MNF Executive meeting chun Judicial Inquiry anrang thei ang taka indin a, a san in diktak suisuoka thla 3 bo hma ngeia mipuihai min hriettir dingin sawrkar kan phut tlat a nih. 

2. Mizoram (Congress) sawrkarin HPC(D) hai a ti leia Mizoram ramri bul area thenkhat ‘Disturbed area’ a puong a tum hi a tha kan ti naw in a tul kan ti naw hle a, Law & Order-a an hlawsam chieng zie an tarlangnaa kan ngai a, rambuoia Mizoram area thenkhat puong a nih chun Zohnathlak hai inkara inhmu pawi na intlungtirtu el ning a tih ti a tium hlein kan hriet bawk a nih. India rama state ralmuongna tak ei ni na Congress sawrkarin a venghim zo naw hi inzakum kan ti hle a, vau hrat le inhrosa puma sawrkar an enkawlna rasuoka kan ngai tlat bawk a nih. Assembly Session nei zoa, Private Resulotion passed sa, “Mizoha'n inpumkhatna kal zawnga iengkhawm thaw ni naw raw se,” ti hi, a putluttu le Congress sawrkar tadi’n muolphona a tling takzetin Meeting chun kan ngai. 

3. MNF NEM chun India ram hmun hran hrana kristien hai suknawmnatna le Biek In suksiet a ni hai, inhremna ang hrima Central sawrkar-in Mizoram a Governor an rawn dai hlak chu pawm thiem harsa kan ti hle a, India President Pranab Mukherjee hung ding hunah thleng nisien kan tih. 

4. MNF-in Mizoram Independent a puong ni 1.3.1966-champha kum 50 na(Golden Jubilee) kum nawk 2016 a hung tlung ding chu ropui taka lawm nisien ti rawtna chu NEM chun a pawm a. Mizo Nationalism “Hnam lungril put’ na le Zohnathlak hai inthuruolna kum dam in, thangthar ha’n Mizo zie chawisangna inchuktirna kum dam in hmang nisien tiin Meeting chun a hril bawk. 

Vawisuna MNF National Executive Meeting hi MNF Sr. Vice President Pu Tawnluaia’n a keiihruoi a, Member 127 chuong an fe khawm a nih.


Post a Comment

Powered by Blogger.