CCPur, April 8, 2015: May 8, 2015 zing dar 8:50 am khan Pu T. Phungzathang Minister, Health & Family Welfare, Govt. of  Manipur le CCPur District Incharge ni lai zing chu a chengna In, Hebron Veng, New Lamka, CCPur hmun ah inhmupuina Pu Timothy Z. Zote Chairman, Saikot Sub-Division Demand Committee (SSDDC) le Editor in Chief, Manmasi Year Book le Manmasi Digest Monthly Magazine chun a nei a. Hi hun a hin December 13, 2014 ni a Ngurte, CCPur hmun a Hmar Students’ Association (HSA) Platinum Jubilee Grand Finale Celebration hun a Pu O. Ibobi Singh CM, Manipur-in a lo puong tah Saikot TD Block, Sub-Division a dawmsang a ni ding thu ah Gazetted Order a suok hnai ta am? ti a’ndawnna chu dawnin hma lak zing a ni thu le thil thaw dan dinghai a lo hril a.


Hi hun a hin hi thil a thahnem a ngaipui ziehai a lo suklangna thu a Chairman chun SSDDC aiawin lawmthu a hril. Chun, hi hun a bawk hin Manmasi Year Book tadingin theitawp suo a lo intiemna thu ah Manmasi Year Book le Manmasi Digest Monthly Magazine buotsaituhai chun lawmthu hrilin Manmasi Year Book le Manmasi Digest Monthly Copy an inhlan. (LRS Puruolte)

Post a Comment

Powered by Blogger.