Mizoram sawrkar in HPC-D unlawful organisation in a puong

Aizawl, 13 April,2015: Vawisun khan Mizoram Health Department hmalakna enfel tuma fesuok Committee on Government Assurances-a MLA 3-hai le anni venghimtu hai lambun an nina le inzawmin Home Minister Pu R. Lalzirliana keihruoina hnuoiah All Political Party Meeting ko a ni a. Hi meeting pawimaw tak a hin Party po po kimtaka thangin uluk le ngun taka hriltlang a ni hnungin party tin hung hai chun ni 28.03.2015 a thil tlung chu pawi tiin a mawphurtu, le a thawtu HPC(D) chu na taka demin Mizoram Sawrkarin April ni 6 a meeting a nei naa HPC(D) dan puoa (UNLAWFUL ORGANISATION) a puong chu lungruol taka rem/pawm ti anih.

All Political Party Meeting chun MLA-3 hai lambunna le Police-3 hai hringna hlu tak an chan pha na, Zokhawthieng (Kani) khuo kawla inlambunna chungchanga mawphurtu ni a hriet HPC(D) Zosangbera pawl hai chunga Mizoram Sawrkar chu a lungawinaw hle anih ti thu le HPC(D) thilthaw demum an ti takzet thu hrilin hi thua Sawrkar fe pei dan ding le Sawrkar hmalak dan ding an hriltlang bawk.