PRESS RELEASE
April 9, 2015
March 28, 2015 a Mizoram Tinghmun leh Zokhawthiang inkara thil thleng chung chang Pute Lalthanhawla Chief Minister, Lalzirliana Home Minister leh Hmingchunghnunga Chairman, SHDC thu sawi leh thil thleng dan kha Zoram mipuiten thu chiang zawk inhriat theihnan han hril fiah tulin ka hria a. Heti ang hi a ni:-1. “Mizote inunauna le insuihkhawmna daltu, HPC(D) te minchona ka pawm e,” Pu Hawlan a tih hi a tawngvai zawk a ni. Hmar People’s Convention Democratic – HPC(D) hian Mizote inunauna thihchiat le dal zawngin hma a la ngailo reng renga, Mizorama unau Hmarho ten an phu hle Mizoram chhungah hian Autonomous District Council Under Sixth Schedule neiin Administrative Unit pakhat nei ve se, kan ram leh hnam changkanna le hmasawnna ropui tak ni turah a dil ngawr ngawr zawk a nih. HPC(D) hian Mizoram Pu Hawla kaih hruai sawrkar leh mimal tu pawh a cho hek lo. Fa ten pa an cho ngailo, tawng atthlak a ni. Kan duh kan dil a ni zawk ti hi lo hria sela, fa te thil dil pe phalloa la vuak belhchhah chu tuman an thiam lovang, Chu chu Pu Hawla hi a ni.
2. Pu Lalzirliana, Home Ministerin “kan MLA te leh a zuitute tha chimit vek tuma an lo ambush…” a tih pawhhi a hriat loh vang a ni. Mi nunna la tum hrim hrim ni ila chuan kha mi ni khan kan MLA pathum te leh an thuaihruai Security, tuna dama chhuak te telin tumah zuah lovin kan that vek thei. Mahse, kan thil dil vawiin ni thlenga Mizoram sawrkarin min la ngaihsak loh leh ngaihsak tumna hmel pawh min hmuhtir loh a vangin kan lungawilohna lantirnan an kuta awm Ralthuam chhuhsak leh duh ila chuan an nunna kan la vek thei a ni ti hriattirnan kut kan han thlak ta kha, kan duthusam a ni biklo, nunna chan chhuangkuate kan tuarpuiin an thihna kha pawi kan ti. Ralthuam engemaw zat kan lak hnuah kan MLA te leh midangte pawh kha chibai bukin thlamuang takin kan inthenpui ta a ni zawk. An thawmhnaw dang leh sum leh pai te pawh engmah kan chhuhsakloh kha. Mahse, Pa hnena kan thil dil hi ngaihsak kan hlawh lo reng a nih chuan hemi thil thleng aia nasa le rapthlak zawk thleng tur pawhin kan che ngailovang tih kan sawi thei bik lo.
3. Pu Hmingchunghnunga, Chairman (SHDC) ina HPC(D) pawl hnih, Lalhmingthang pawl leh Sangbera pawl awm anga a sawi pawh hi hre reng chunga a sawi a ni a, dawt hi sawi tawh ngai lo turin ka hriattir e. HPC(D) hi pawl pakhat chauh kan ni a faction pawh an awm hek lo. Lalhmingthanga hi chu kan pawl a tang hnawh chhuah tawh a ni. Tunah hian thian tlem azawng neiin keini pawh tih rem tum nan Mizoram sawrkar Pu Hawla leh a thuaihruaite hian hmanrua ah an hmang zawk.
Thisen chhuahna, buaina siam kan duhlo. Kan thil duh hi min pe se, Zoramah hian thlamuang tak leh lawm takin I awm tlang ang u.
(L.BIEKA)
Western Commander,
Mizoram, HPC(D)
(L.BIEKA)
Western Commander,
Mizoram, HPC(D)
