Responsive Ad Slot

HPC (D) vauna thua hma la vat dingin Group YMA-in sorkar an phût

Friday, April 17, 2015

/ Published by VIRTHLI
Aizawl, April 17,2015: YMA, Sakawrhmuituai group chun thusuok siemin V/C inthlang hmaa HPC (D) hai vauna lekha leia lungril muongnaw an um nawna dingin Sawrkar in hma la vat dingin an phut thu an tarlang.

Sakawrhmuituai group YMA thusuok chun, April 9, 2015-a HPC (D) general headquater's mi John F Hmar intiin Sakawrhmuituai group YMA huom sunga N. Hlimen khuoa V/C inthlang um dinga candidate hai a vau chu an demthu a hril a, "In candidate lui hai chu an chunga action lak a ni ding thu le action lak in hun a nei naw ding thu N. Hlimen VCP kuoma inhrietirna lehkha a pek hi a vangduoithlak an ti thu a hril.

Sakawrhmuituai group YMA chun, democracy ramah invauna thil HCP(D) han an thaw chu an hrietthiem naw thu hrilin, HPC (D) hai chu an area-ah N. Hlimen chu rín lût ngai lo dingin an ngen.

Thu dawng danin, N. Hlimen khuo-a hin V/C inthlangna dinga party hrang hrang han candidate siemin, candidate ding hai khawmin nomination paper an thelut vawng ta a, amiruokchu HPC (D) vauna lei hin zani khan VCP Remthanga in candidate hai chu a kokhawm a, V/C candidate ainthawkin an inhnûkdâwk vawng a nih.
Don't Miss
© all rights reserved
made with by Simon L Infimate