Local News:
March thla sung DTO in motor 122
CCPur:
District Transport Office/CCPur a chun March, 2015 thla sung khan motor 122
registered a nih. Hienghai lai hin Motorcycle 83, Autorickshaw 7, Cars 17, Jeep
5, Maxi Cab 1, Light Goods Vehicle 2, Van 5, Medium Goods Vehicle 1 le Others 1
a \hang. April 2014-March 2015 inkar sunga DTO/CCPur in motor tum tum an
registered chu 1827 a tling. Hieng hai lai hin Motor cycle 1418; Auto 88; Car
147; Jeep 75; Maxi cab 20; Lights Goods Vehicle 16; Heavy Goods Vehicle 18; Van
16; Medium Goods Vehicle 14; Medium Bus 1 le
Others 14 a \hang.
Chun, DTO/CCPur chun March 2015 thla
sung khan Revenue Rs. 12,76,818/- an hmu a, April 2014- March, 2015 inkar sunga
Revenue an hmu suok chu Rs.14,69,0731/- a ni a, Challan in sawrkar kuta an
peklut.
12th Hmar Martyrs’ Trophy
CCPUr: Hmar Martyrs’ Trophy Organising Board
(HMARTOB) inrawinain Hmar Martyrs’ Trophy Football Tournament a vawi 12-na
hawngna hunser April 7, 2015, 2PM khin Saikawt playground ah nei ning a
tih. Hi Tournament hi Pu Lunminthang
Haokip, IAS, DC, CCPur in khuollien ni pumin hawng a ta, Guest of Honour in
Shri Solomon L. Fimate, SDC, Tipaimukh; Functional President in Upa Laldawnlien
Varte, General President, HYA General
Hqrts; Special invitees in Shri Lalhossan, EM,
ADCC; Shri Lalditsang, Member,
ADCC; Shri Lalhmangpui Fimate, Member, ADCC; Lalhrillien, member, ADCC le
B. Zodingliana, member, ADCC hai \hang
an tih.
Dan lova silai siemtu
silai le a mu leh man
CCPur:
Police-a inthawk ei thu dawngnain a hril danin 7-Assam Rifles chun March 3,
2015 zan dar 6:35 vel khan Ngathal-ah silai repair-na le dan lova silai siemna (arms repair-cum- manufacturing
workshop) an hlukhum a. A neitu Suangdothang (68) s/o (L) Suannang of Ngathal
an man a. A kuta inthawk Army han .22 rifles 1; 12 bore SBBL 2; .22 pistol
(Contry made) 1; 9mm pistol (country made) 1; .22 barrel 1 le magazine 1; telescope sight 1; .22 silai
mu 5; .22 FCC 1; 12 bore SBBL mu 54; silai kawm 4 an
man sa a, CCPur Police kutah an peklut. Hi thua hin Police chun FIR No.27 (3) 2015 CCP-PS U/S 25 (1-A) A.
Act an registered.
Martyrs’ Trophy Managers Meet
CCPur: Vawisun March 5, 2015, 1:00p.m. hin Saikawt Pavilion-ah Hmar Martyr’s Trophy
a \hang ding Team hai Managers Meet um a tih. Opening Ceremony chu April 7,
2015 in um a tih. Tukum Martyrs Trophy a hin teams 40 an \hang ding a nih.
ZEO in staff list pelut dingin
CCPur: ZEO, CCPur chun, ei hmaa MDC Election 2015
hung um ding le inzawmin Govt. High School haia Headmasters/Headmistress hai
chu an school chita thawktu (staff) list an hmatienga pelut dingin an hriettir.
Bank PO sin hmu thar
CCPur/Guwahati: Pu James Mawia Hrangate, S/o C. Than\huom,
Rengkai chun Institute of Banking Personnel Selection (IBPS) huoihawtna hnuoia
CWE PO/MT-III 2014 exam-ah hlawtlingna changing
Probationary Officer (PO) sin
United Bank of India (UBI) ah a hmu. (Virthli)
Meeting-a \hang seng dingin
CCPur: April 7, 2015, 10:30AM khin DFWO, CCPur
Conference Hall, CCPur-ah meeting on Mission Indradhanush a um ding a ni a,
District Family Welfare Officer (DFWO), CCPur hnuoia ANM/LAV hai po po \hang
seng dingin DFWO, CCPur chun inhriettirna a siem. Mission Indradhanush hi April
7, 2015 a inthawka \an ding a nih.
Thanlon Block ASHA Day
CCPur: Zanikhan Female Health Working Training
school (FHWTS), CCPur-ah Thanlon Block
hai ta dingin ASHA Day hmang a ni a, hi huna hin Dr Thangchinkhup Guite, CMO/CCPur; Seiboi
Mate, Dist Program Manager, NHM/CCPur le MO Incharge Dr Liankhozam han thu an hril.
CMO chun khawsunga nuhmei naupai,
medical check up hun le nau nei hun hai
bakah naupang kum 1 hnuoitieng hai Immunization a hunbi peia thawna ding
kawngah ASHA worker han mawphurna lien tak an nei thu a hril a. Sawrkar chun
ASHA worker hai kuoma \hangpuina sum
\hahnemtawk tak a pek ta thu a
hril. India sawrkar chun March – July, 2015 inkar sunga Immunisation
thaw vawng dinga district 201 a thlangsuokhai lai CCPur District khawm a \hangsa ve thu hrilin
hi thila dingin ASHA worker han
mawphurna pawimaw tak an nei a nih tiin a hril.
NFCH meeting hun sawn
CCPur:
April 6, 2015, 12:00 a DC Office/CCPur-a
National Foundation for Communal Harmony
(NFCH) thua meeting nei dinga ti chu
remchangnawna leiin April 18, 2015, 12:00Noon a nei lem dinga sawn a nih.
5-Days In-Service Teachers Training
CCPur:
SSA-RTE hnuoia Pedagogy huoihawtnain April 6, 2015, 10:30AM a inthawk khin
Synod Hall, IB Road, CCPur-ah 5-Days Refeshers In-Service Teachers Training um
a tih. Hi training hi Lunminthang Haokip, IAS, DC, CCPur in khuolliena \hangin
hawng a ta, functional president in T. Goukhomang Simte, ZEO CCPur \hang a tih.
Haptakar khat sungin OPD pan 1654
CCPur: District Hospital, CCPur ah haptakar khat
liemta ( 29-3-2015 to 4-4-2015) inkar sung khan OPD pan mi 1659, Casualty pan 227, nau nei 63,
major operation vawi 5, minor operation 11, mit at 1, Swine Flu damdawi pek mi
11500, ru leia operation 1, X-ray la 24, Ultrasound la 35, W/A 60, CT scan la
10 le damnaw Hospital a enkawl zat 195 niin Medical Superintendent, District
Hospital thusuok chun a hril.
Headline:
April 8 ah Union Cabinet suklien ni dinga hril
NEw
Delhi: Prime Minister Narendra Modi chun
April 8, 2015 (Nilaini) khin a cabinet a suklien ding nia hril a nih. J&K a
inthawka PDP MP Mehbooba Mufti le Shiv Sena \huoitu le an Rajya Sabha MP Anil
Desai hai pahni chu Cabinet minister-a laklutin, BJP \huoitu, tuta Union
Minister of State for Minority Affairs
& Parliamentary Affairs, Mukhtar Abbas Naqvi chu Cabinet minister a
hlangkai le PM Modi Council of Ministers
hai laia Minority Affairs Minister,
Najma Heptulla (Cabinet minister) chu peitlak ni el theia hril a ni bakah HRD
Minister Smriti Irani khawm peithlak ni
el theiin ei thu dawngna chun a hril a nih.
BJP \huoina le Narendra Modi Prime Minister nina hnuoia
National Democratic Alliance (NDA)
sawrkar chu May 26, 2014 khan siem \an a ni a; hi Cabinet suklienna hmasa tak
chu November 9, 2014 khan nei a ni a,
Cabinet ministers 4, Minister of State (MoS) Independent Charge 3 le
Minister of State 14, an rengin
Ministers 21 laklut an nih. Tuhin Cabinet ministers 27, Minister of staet
(Independent Charge) 16 le Minister of State 23, an rengin ministers 66 an um
mek a nih.
Dr Manmohan Singh PM nina hnuoia UPA
sawrkar nuhnungtaka khan Union Ministers 78 an um a, Atal Behari Vajpayee PM ni
huna khan Union Ministers 75 an um a nih. Union Ministers um thei zat chu a
rengin 79 ding niin ei thu dawngna chun a hril.
Imphal:
KCP Cadre ni dinga ringhla 2 man
Imphal: Zani hmasa khan KCP(MC) cadres ni dinga ringhla Haojam Ibomcha alias
Angao (35) s/o H. Heramani of Lamdeng Khunou chu 8-Assam Rifles han an
man a, Lamsang Police Station-ah an peklut.
Chun, hi ni ma hin 25 Madras MVCP han KCP(MTF) cadre nia ringhla Lourembam Tomba alias Suresh (28) s/o L. Ibotombi of
Mayang Imphal Mullam hmuna China siem
Hand Grenade le sum ngenna lekha leh an
man a, Imphal Police station-ah an peklut.
Police 100 velin thisen an pek
Imphal: Zanikhan 1st Manipur Rifles Banquet
Hall-ah Indian Red Corss Society, Manipur Branch, Department of
Immuno-Haematology & Blood Transfusion, RIMS le Manipur Police Department
\hangruol han Blood Donation Camp an
buotsai a, Manipur Police, Manipur
Rifles le IRB 100 velin thisen an pek.
L.M. Khaute, ADGP chu thisen pe hmasa takin a \hang.
Naupai lai le nautehai ta dingin
Imphal: Zanikham Lamlong Bazar-ah Ng. Bijoy, MLA in
nupui naupai lai le naute 0-1 year chen mihai ta dinga Ambulance Service a
hawng. Hi Ambulance Service hi National
Health Mission (NHM) hnuoia thaw a nih.
Ieng huna khawm 102 dial in hi Ambulance hi
ko thei a nih.
Police Officers hai ta dingin Legal Awareness
Imphal: Zanikhan Manipur State Legal Services
sponsored-nain Authority Imphal West –a
Dist. Hqrts Recreational Hall-ah
Police Officers hai ta dingin Legal Awareness –cum- interaction
programme nei a nih. Hi huna hin Imphal
West Police-a inthawk a bik takin Investigating Officers (IOs) le high level officers hai an \hang tawl.
Sub-Officer post 4 a ruok
Imphal: Fire Service Department hnuoiah Sub-Officer
post 4 (ST-1, UR-2 le OBC Meitei 1) a ruok. Hi sin apply nuom han Feb. 24, 2015
chenin Employment Exchanges haiah hming peklut thei a nih.
OTHERS
Tripathi Mizoram Governor in
Aizawl: West Bengal Governor Keshari Nath Tripathi
chu zanikhan Mizoram Governor dingin Gauhati High Court Judge, Justice Michael
Zothankhuma hmaah sesamna a nei. Hi hunsera hin Mizoram CM Lalthanhawla,
Cabinet ministers, MLAs le Senior Govt. Officials hai an \hang tawl.
MAP Constable in MAP SI a kap hliem
Aizawl: Mizorama Zohmun khuo a posting Mizoram
1st Bn. Armed Police (MAP) a
constable Robin Thangbawi chun
April 1, 2015 zan khan an
battalion a MAP Sub-Inspector, Siamthara a kap a, a hliem leiin Sakawrdai
damdawiin panpui nghal a nih. April 2, 2015 khan Civil Hospital-ah lak a nih.
April 1, 2015 zan hin Zohmuna YMA Group Conference a um a, Robin hi Zurui pumin
a duty a, Siamthara hin zilin a silai a lakpek a, an camp tieng an fetir a. A
hnungah Siamthara hi an camp tieng a kir ve a, chu huna Robin hin a ruol danghai silai hmanga a
lo kap a nih. Robin hi man nghal a nih.
Haryana State-ah Aadhar Card lo thei lo
Chandigarh: Haryana state a chun School admission thawna
ding le Scholarship hnina dingah Aadhar Card lo thei lova nei (mandatory) a \ul
tiin Bihar Secondary Education Department chun thusuok a siem. District
Education Officers le District Elementary Education officers hai khawma
Educational Institutions hai po po stueent-hai admision an thaw huna Aadhar
Card neihai chau admit phawt dingin inhriettirna an pek tawl.
Yemen a inthawk India mi 1,022
New
Delhi: Zani hmasa zan khan Air India Vuongna
pahni hmangin Yemen rama inthawk India mi 660 phurtlung nawk an ni leiin tuhena Yemen rama inthawka
India mi \huoi tlunga um chu 1,022 an tling tah. Lawng, Indian Air Force le
Indian Navy Vuongna hai khawm Yemen rama India mi um hai \huoikirnaa hin hmang an nih.
India in km. 10,000 hla kap phak missile
Vadodara: Dr S.K. Salwan, Chairman, Armament Researth
Board, Defence Research and Development
Organisation (DRDO) chun, India chun km.
10,000 a hla kap phak thei ding Intercontinental Ballistic Missiles (ICBM) a
siem thei ta a, km. 5,000 kap phak
Agni-V missile chu hlawtling takin a ensin ta a nih tiin a hril.
India chun tuta thla sung hin
Missiles 3 ensinnaa kapsuok a tum niin Integrated Test Range (ITR), Chandipur official
thusuok chun a hril. Advanced Air Defence (AAD) interceptor missile chu April
6, 2015 nia ensinnaa kapsuok tum a ni a, modified Prithvi missile chu April 22,
2015 a ensinna dinga kapsuok tum a ni bawk.
Vur intawlin sipai 4 a vur hlum
Srinagar: Kashmir-a Himalayan region a chun zanikhan
Vur intawl in sipai 4 a vur hlum niin official thusuok chun a hril. Vur intawl
in a vur hlum sipai 3 hai ruong hmu an nit a a, pakhat hmu zo lovin a la um
mek.
IAS nia insal Ruby Chaudhary man
Dehradun: IAS Probationer nia insala thla 6 zet el Lal
Bahadur Shastri National Academy of Administration, Mussoorie a um ve, hi
Academy a Deputy Director Saurav Jain in sin pek ding tia a mi tiem leiin Rs. 20 lakh ka pek tia hriltu Ruby Chaudhary
chu April 3, 2015 zan sawt hnung khan a tlungna Hotel a inthawk man a nih. Ruby
hi Muzaffarnagar district sunga Kutabi khuoa cheng, IAS passed ni der lo, ama
le ama IAS nia insal a nih.
HPC (D) kan ni nawh
CCPur:
|inghmun le Zokhawthiang inkara March 28, 2015 a MLA pathum escort tu Police lo
lambun a, lo kap hlumtu kha HPC (D) kan ni naw a, inhnamhnawina khawm kan nei
nawh. Kha thil tlung kha HPC (D) chun pawi a ti takzet a nih. Mihriem hringna
inhlut lo khawpa kut thlaktuhai hin an thawna san mipui hrietah puong raw hai
seh tiin HPC (D) chun a phut a nih. Tuta inthawk chu HPC (D) (founder)
President Pu Lalhmingthang Sanate hrietpui le phalna la hmasa lova HPC (D)Correspondent
hming sala thil mi \henkhatin an thaw hlak hi mi tukhawm HPC(D) thil thawa lo
ngai lo dingin kan hung inhriettirin kan ngen tiin April 1, 2015 a L Venghim
Hmar, Information & Publicity Officer, Hmar People’s Convention
(Democratic) chun inhriettirna a siem.
VAWISUN
THUPUI
A
hmel umzie chu kawlinlep ang a na, a
silfen chu vur angin a var a. Ama an \i leiin vengtuhai chu an inthin a, mithi
ang elin an hung um tah a. - Mathai
28:3-4
