Tuolsung:
Tipaimukh PDS March Quota lakdawk
CCPur: 55­Tipaimukh A/C MLA Nominee Pu Samson chun zanikhan FCS Godown, Headquarters Veng­a inthawk Tipaimukh biela March, 2015 PDS quota bufai ladawkin PDS Centres 13 hai kuomah mipui laia sem dingin a pekdawk. Zanita Tipaimukh Quota Bufai lakdawka um hai lai BPL bufai quintals 235, AAY bufai quintals 117, APL bufai quintals 106  bakah Chini quintals 87 a nih.



Awareness on Adolescent Girl
CCPur: SSA/RTE CCPur hnuoia Intervention of Girls Education huoihawtnain zanikhan YPA GHQ Hall, Hiangtam Lamka hmuna 2­Day Health program for Adolescent Girl \an a nih.  Hi program a hin school tum tum 5­ Rengkai Govt. Hr. Sec. School, Vimala Raina H/S, Lanva Govt. H/S, Phungkhothang Govt. H/S le SSA Residential school haia inthawk students 250 chuong an \hang a,  students le  teacher hai medical check­up thawin an thisen test  a ni bawk. Hi huna hin Dr Deborah Sangi, Dr Bay le Dr Robinson han hriselna  tiengpang thu hai student hai hrilhrietna an nei. April 10, 2015 in Dr Robinson, Ringneikhum le  Dr. Samlienmang  hai resource person in \hang an tih.



KYKL le KNF/KNO cadres  man an nih
CCPur: Police­a inthawk ei thu dawngnain a hril danin April 6, 2015, 9:30AM khan Zoveng­ah  7­AR han KYKL cadre Sgt. Major Naorem Kalabi @ Noren (33) s/o Naorem Inao of Tentha Khunjao, Thoubal District an man a, Imphal Police kutah an peklut. CCPur Police chun Imphal Police­a inthawk case lasawngin FIR No. 30( 4) 2015 CCP­PS U/S 20 UA (P) A.Act  an registered.
    
Chun, April 7, 2015, 12:30PM khan 7­Assam Rifles han D. Phailian khuoah KNF/KNO cadre Letminthang Haokip (32) s/o Jamkai Haokip of N. Boljang chu 7.65mm Pistol 1, Magazine 1 le   a mu 3 leh manin  Imphal Police kutah an peklut. CCPur Police chun Imphal Police kuta inthawk case lasawngin FIR No. 31 (4) 2015 CCP­PS U/S 400 IPC & 25 (1­C) A. Act  an registered.

VDF thil ngen KWOHR in a thlawp
CCPur: Zanita Kuki Women Organisation for Human Rights (KWOHR) Executive Council General Meeting chun, VDF pawl thil ngen chu thlawp le Moral support  pe dingin thutlukna an siem.

Medical Camp
CCPur: April 13,2015, 8:30AM a inthawk khin District Health Society (NHM), CCPur huoihawtnain Saipum Village­ah One Day Medical Unit Camp um a tih. Hi huna hin Dr. Robinson, MO le Dr. Donna Vungngaihching, MO han damnaw hai hriselna enfel an ta, Chingbiaklun, Pharmacist, Khawlzaniang, ANM, Neimang, ANM, Manasseh, Office Assistant le Kamzalian, DMMU Driver  han thlawp an tih.

Saiip puon sila suolthupha \awng\airuolna
CCPur:  Ei khawtlang, ei ram le hnam  ta dinga  Saiip puon sila suolthupha chawia Lalpa kuoma \awng\aina khawtina nei tum a ni a, hi taka ding hin  inhnikna nei taphawt \hang dingin Ms May Rose le Hluna han fielna an siem. A hmun Rengkai Bazar ning a ta a hun chu vawizan (April 10, 2015), 7:00PM ning a tih.

Workshop on Human  Trafficking
CCpur:  Wesleyan Methodist Church of East India (WMCEI) huoihawtnain April 10 & 11, 2015  hai khin “The Faces  and Faces of  Human Trafficking” (An Awareness­Raising Workshop on Human Trafficking) ti thupui hmangin  VTI Auditorium, Rengkai­ah nei ning a tih. Hi Workshop  a hin Resource Person in Dr Erlinda, Hannah Lynn, Maria Justiniana of Phillipines, Ruth  Thomas, Australia le Nick Gentiles, USA hai \hang an tih.

Pu T. Phungzathang an inhmupui
CCPUR: May 8, 2015 zing dar 8:50 am khan Pu Timothy Z. Zote Chairman, Saikot Sub­Division Demand Committee (SSDDC) &  Editor in Chief, Manmasi Year Book le Manmasi Digest Monthly Magazine le Editorial Board chun Pu T. Phungzathang Minister, Health & Family Welfare, Govt. of Manipur le CCPur Dist Incharge ni lai zing chu a chengna In, Hebron Veng, New Lamka, CCPur hmunah an inhmupui a.   December 13, 2014 ni a Ngurte, CCPur hmun a  HSA Platinum Jubilee Grand Finale Celebration hun a Pu O. Ibobi Singh CM, Manipur­in   Saikot TD Block, Sub­Division  dinga a lo puong chungthu, hi thua Gazetted Order a suok hnai am ti Pu Timothy Z. Zote in an dawnna dawnin hi thua hin  hma lak zing a ni thu le thil thaw dan dinghai  Pu  Tonsing chun a  lo hril.  Manmasi Year Book tadinga theitawp suo a lo intiemna thu ah Manmasi Year Book le Monthly Magazine buotsaituhai chun lawmthu  an hril. (LRS Puruolte)

HPC(D) in Press Release an insuo
CCPur:  Zanita L.  Bieka, Western Commander, Mizoram, HPC(D) in Press Release an suo a chun hieng a hnuoia thu hai hi zieklang a nih:
    March 28, 2015 a Mizoram |inghmun leh Zokhawthiang inkara thil thleng chung chang Pute Lalthanhawla Chief Minister, Lalzirliana Home Minister leh Hmingchunghnunga Chairman, SHDC thu sawi leh thil thleng dan kha Zoram mipuiten thu chiang zawk inhriat theihnan han hrilh fiah \ulin ka hria a. Heti  ang hi a ni:­
    
1. “Mizote inunauna le insuihkhawmna daltu, HPC(D) te minchona ka pawm e,” Pu Hawlan a tih hi a \awngvai zawk a ni. Hmar People’s  Convention ­ HPC(D) hian Mizote inunauna tihchhiat le dal zawngin hma a la ngailo reng renga, Mizorama unau Hmarho ten an phu  hle Mizoram chhungah hian Autonomous  District Council Under Sixth Schedule  neiin administrative unit pakhat nei ve se, kan ram leh hnam changkanna le hmasawnna ropui tak ni turah a dil ngawr ngawr zawk a nih. HPC(D) hian Mizoram Pu Hawla kaih hruai sawrkar leh mimal tu pawh a cho  hek lo.  Fa ten pa an cho ngailo, \awng atthlak a ni. Kan duh kan dil a ni zawk ti hi lo hria sela, fa te thil dil pe phalloa la vuak belhchhah chu tuman an thiam lovang. Chu chu Pu Hawla hi a ni.
­    
2.  Pu Lalzirliana, Home Ministerin’ kan MLA te leh a zuitute tha chimit vek tuma an lo ambush..” a tih pawh hi a hriat loh vang a ni. Mi nunna la tum hrim hrim ni ila chuan kha mi ni khan kan MLA pathum te leh an \huaihruai Security, tuna dama chhuak te telin tumah zuah lovin kan that vek thei. Mahse, kan thil dil vawiin ni thlenga Mizoram sawrkarin min la ngaihsak loh leh ngaihsak tumna hmel pawh min  hmuhtir loh a vangin kan lungawilohna lantirnan an kuta awm Ralthuam chhuhsak  leh duh ila chuan an nunna kan la vek thei a ni ti hriattirnan kut  kan han thlak ta kha, kan duthusam a ni biklo, nunna chan chhungkuate kan tuarpuiin  an thihna kha pawi kan ti. Ralthuam engemaw zat kan lak hnuah kan MLA te leh midangte pawh kha chibai bukin thlamuang takin kan in\henpui ta a ni zawk. An thawmhnaw dang leh sum leh pai te pawh engmah kan chhuhsakloh kha. Mahse, Pa hnena kan thil dil hi ngaihsak kan hlawh lo reng a nih chuan hemi thil thleng aia nasa le rapthlak zawk thleng tur pawhin kan  che ngailovang tih kan sawi thei bik lo.
    
3. Pu Hmingchunghnunga, Chairman (SHDC) ina HPC(D) pawl hnih, Lalhmingthanga pawl leh Sangbera pawl awm anga a sawi pawh hi hre reng chunga a sawi a ni a, dawt hi sawi tawh ngai lo turin ka hriattir e. HPC(D)hi pawl pakhat chauh kan ni a faction pawh an awm hek lo. Lalhmingthanga hi chu kan pawl a \ang hnawh chhuah tawh a ni. Tunah hian \hian tlem­­azawng neiin keini pawl tih rem tum nan Mizoram sawrkar Pu Hawla leh a \huaihruaite hian hmanrua ah an hmang a ni zawk.
            
Thisen chhuahna, buaina siam kan duhlo. Kan thil duh hi min pe se, Zoramah hian thlamuang tak leh lawm takin I awm tlang ang u.

Headline:
April 15 a inthawk Delhi le Dimapur inkarah Direct  Flight service \an  ning a tih :  Dr Jitendra Singh
New Delhi : Ni 2 sung aw ding North Eastern Council (NEC)  Plenary Session a vawi 64­na chu zanikhan New Delhi­ah Union Minister of State (Independent Charge) for Development of North Eastern Region (DoNER), Minister of State for PMO, Personnel, Public Griecances, Pensions, Atomic Energy and Space, Dr Jitendra Singh in a hawng. Hi meeting a hin India hmarsak biela  Governors, Chief Ministers, Senior Officers, State Governments, Union Ministries le Central  Government Organisations hai an \hang.
    
Dr Jitendra  Singh in hi meeting a thu a hrilnaa chun, April 15, 2015 a inthawk Air India Vuongna  nitin Delhi le Dimapur, Nagaland inkarah service \an a ta, Kolkata sir hlak a tih. Chun, thla liemta khan Kolkata le  Silchar inkara khawm  nitinin Air India a lo service \an ta bawk. Motor lamlien \hat tawk naw leiin NE bielah Air Services hi a pawimaw a, sawrkar thlungpui ngaipawimaw a ni hrim a nih. Inbiekpaw a remchang lemna dingin February thlaa inthawk khan NE biela  states 8 haiah DoNER’s Camp Office rotation a hawng \an a ni a, hi hi “DoNER at Doorstep” (DAD)  tia ko a nih. NE mihai  Delhi­ah an hung kher \ul lovin an mamaw le harsatna hai an umna hmun sengah an hril thei bakah Delhi mihai khawm  NE  ah hung kher lo khawma inbiekpaw le thil thaw thei a ni pha ta a nih. PM in NE hmasawnna ding a ngaipawimaw  a, hi lei hin haptakar hni dan peiah Union Ministers 8 pei NE a inzin  dinga ti an nih. Assam ah All India Institute of  Medical Sciences (AIIMS) indin ning a ta, Nagaland­ah Indian  Institute of Science Education and Research (IISER) le Arunachal Pradesh­ah Centre for Film Production, Animation and Gaming indin ning a tih tiin Dr Jitendra  Singh chun a hril.
            
Hi meeting a hin NEC Annual Plan  2014­15 le kum 2015­16 NEC Annual Sectoral Allocation hai a tlangpuia tarlang ning a tih. Chun, Railways, Road Transport & Highways, Civil Aviation, Inland Waterway, Authority of India, Power, Tourism, External Affairs and Act East Policy, Home Affairs on Border Trade­ Status on ICPs, LCs, Border Haats, Banks, Visa facility, HRD, Dept. of Telecom, Skill Development & Entrepreneurship, Dept. of Financial Services, Banking Services, NE Space Application Centre etc hai sukhmasawn dan ding hriltlang \an le vawisun hin la hriltlang nawk an tih.

Imphal:
Manipur a Blocks 3 ah MSDP
Imphal: Manipur Rural Development & Panchayati Raj,  Economics & Statistics minister, Francis Ngajokpa in New Delhi­ah Union Minister of Minority Affairs, Najma Heptulla an hmupui a, Senapati District a Mao­Maram, Paomata le Purul Sub­Division haiah Multi­Sectoral Development Programme (MSDP) thaw dingin rem a ti thu a lo hril.

Myanmar mi drugs le ralthuom leh man
Imphal: Zani hmasa khan Moreh Gate No. 2 ah Assam Rifles  han Myanmar mi,  Thangsuthai (40) of Tamu, Myanmar chu brown sugar 150 grams, RDX ni dinga ringhla, China siem Detonator 1, China siem 12 volt  battery, wire metres 10, steel balls 250, drugs capsules, cigarettes le heroin grams 10 leh an man a, Moreh Police Station­ah an peklut.

Manipur­ah NEC Secy. a hung inzin ding
Imphal: Ameising Luikham,  Secretary, North Eastern Council (NEC) chu Manipur­a ni 4 sung cham dingin April 14, 2015 khin Imphal hungtlung a tih. Manipur­a a cham sungin Industrial Estate, Takyelpat, Indira Gandhi Tribal University, Makhan hai sirin an mamaw le harsatna hai enfel a tih. April 15, 2015 in Bishnupur­Nungba Road,Industrial Estate, Bishnupur le April 17, 2015 in Mahadev­Talloi Road siem a um mek hai enfel a tih. Chun, Manipur Chief Secretary le Chief Minister hai khawm inhmupui a tih.

Thu indawn dingin mi 28 \huoi
Imphal: Zanikhan Imphal West Police Commandos han Thangal Bazar­ah dappui an thaw a, tu an ni hrietchieng lo mi 28 thu indawn chieng dingin Police station­ah an \huoi. Imphal khawpui sunga bomb a puok hlak lei le bomb inzing uta hmu a ni hlak leia Police Commandos han misuol hai man tumnaa dappui hi an thaw thut thut hlak a nih.

Others:
President Aizawl­ah an zin
Aizawl: India President Pranab Mukherjee chu zan khat riek dingin zanikhan Aizawl a tlung. Vawisun hin Mizoram University Convocation ah President hi khuolliena \hangin thu hril a tih.President hi Governor ,  CM, DGP hai bakah Army officers le official tam takin an lo tuok.

AMHDCBTA in Natl. Projects sin sukchawl
Senapati: All Manipur Hill Districts Contract Basis Teachers’ Association (AMHDCBTA) JAC chun, an service suknghet dinga  nawrnain  maram­peren road, Senapate le Thoubal­Kasom khullen inkara Rel lampui siem lai mek hai \hangin National Manipur­a National projects sinthawna hai  zanita inthawk khan sukchawl. JAC a mi \henkhat chu zanikhan Maram­Peren road NH­129/A  sinthawna hmuna fein hi lampui siema sinthawtu hai chu an sinthaw an inchawltir. Hi lampuia sinthawtu chu 98RCC/GREF an nih. JAC in an sinthaw chawl dinga an hril lei hin GREF motor/Truck  hai khawm an base camp tieng an kir tawl vawng tawl niin ei thu dawngna chun a hril. 98RCC/GREF a OC chun, JAC nuorna hi chingfel annawleh lakkir a ni hma chu sin an \an nawk tanaw ding thu a hril. (UNA)

CEC thar dingin Nasim Zaidi
New Delhi: Election Commissioner, Nasim  Zaidi chu zanikhan President, Pranab Mukherjee in Chief Election Commissioner (CEC) thar dingin a ruot. Tuta  CEC sin chel lai mek Hari Shankar Brahma (H.S. Brahma chu April 19, 2015 khin a sina inthawk a pension ta ding a ni leia Nasim Zaidi hi CEC thar  le H.S. Brahma thlaktu dinga ruot a nih. Nasim Zaidi hi 1976 batch IAS Officer, kum tam takel Civil Aviation Ministry a lo thawk ta a nih. Nasim Zaidi hin  April 19, 2015 a inthawk CEC sin chel \an a ta, July, 2017 chenin a chel ding a nih. CEC term hi kum 6  sung a ni a,  sienkhawm an pension hun a tlung pha leh (65 years) an hun a la tawp naw khawmin an pension a, an aiawtu ding mi thar ruot pei an nih.

Khawvel tawp vat ring leiin an inban
Guwahati: Meghalaya state a West Khasi Hills district sunga Nongthlhiew khuoah Pathien thuhriltu pakhat a va fe a, khawvel a tawp vat ta ding thu le thil nei a \ul tanaw thu a va hril a. Hi khawa cheng hai laia sungkuo 8 hai chu hi thu hin an hmin hne hle a, an sin haia inthawk an inban a, an nauhai school kai an inchawltir a, Bank­a an  pawisa sie hai an lakdawk vawng a, a hranin an um a, sawrkara inthawka bufai peka um hai an hnawl a, Voter Identity Card (EPIC) le an lekha pawimaw dang dang hai an  dehawn a, Biekin inkhawm an tawpsan a, an in sengah an \awng\ai tiin an khuo lal  (Headman) chun a hril. Pathien thu va hriltuin khawvel tawp vat ding thu a  hril hi kum 2 a liemta a, sienkhawm an ringna hi an lan phatsan nuom nawh.  Hi thu hi thudik a nih tiin West Khasi Hills District Deputy Commissioner, S. Kharlyngdoh khawmin a hril. An sina inthawka inban hai lai hin sawrkar thawktu 5 an \hangsa.

Delhi Police han motors 96 an man
NEW DELHI: National Green Tribunal (NGT) in Diesel hmang motor kum 10 neka tam tlan tahai chu Delhi khawpui sungah an tlan phal ni tanaw nih tia April 7, 2015 a a rel angin April 8, 2015  khan Police han Delhi khawpui sunga tlan inlawn  motor hai an check a, kum 10 neka tam diesel hmanga tlan motors 96 zet zantieng dar 4 chen khan an man. Diesel hi boruok sukpawrchetu tak pakhat a ni leia hi thil hi khap a nih tiin NGT thusuok chun a hril.

Modi le Sonia hmingin BPL  Card
Mumbai: Maharashtra State a Buldhana district sunga Khamgaon khuoah PM Narendra Modi le AICC President Sonia Gandhi hai hming khawmin Below Poverty Line (BPL) Card a um a, thla 8 liemta khan an Card hmangin PDS bufai lak a lo nih. BPL Card hi an hrietpui lova siem, a tak (Genuine) a nih. Narendra Modi BPL  Card number chu 992744 a ni a, an sungkuoah ama chau hi Card nei le kum khata a sum hmusuok (Annual Income) chu Rs. 30,000 nia ziek a nih. Pi Sonia Gandhi BPL Card number chu 811835 a ni a, LPG Connection a nei a, Modi ruok chu LPG Connection nei lova ziek a nih. Sonia Gandhi  Annual Income­a ziek zat chu Rs. 35,000 a nih. Chun, Maharashtra CM  Devendra  Fadnavis le Opposition Leader hai hminga pek Ration Card khawm BJP MLA, Pandurang Phundkar in  zani hmasa  khan a phawrlang. PDS hnuoiah BPL card, Ration Card etc tehlem a tam hle a nih ti hieng thil hai hin a tarlang a nih tiin  Pandurang Phundkar chun a hril.

Pawisa note tehlema sumdawng mi 4 man
Bengaluru: India pawisa note tehlema sumdawng hlak, Assam state mi 4, Ameerulla Haq, Shahabuddin, Zinab Ali le Akbar Ali hai chu Central Crime Branch (CCB) pawlin Bengaluru khawpuiah an man. Hieng mi 4 hai hin India pawisa note  tehlem Rs. 13.9 lakh vel an thedar ta bakah Rs. 1,00,000 note tehlem chu Rs. 50,000 peiin an thleng hlak, India pawisa note lem hai hi Pakistan­a sut, Rs. 500 le Rs. 1,000 note vawng,  Bangladesh fethlenga West Bengal, India rama phurlut hlak niin  Police hai kuomah an inpuong niin B. Dyanand, Additional Commissioner of Police chun a hril.

Headmaster in a student a vuok hlum
Barabanki: April 8, 2015 khan Pen inruka intum leiin Uttar Pradesh state a Barabanki District sunga Chaudhary  Dwarika Prasad Academy, Rahilamau Headmaster, Lalit Kumar Verma chun Class­III student  Shiva Rawat chu a vuok hrep a, Hospital panpui a ni a, sienkhawm damzo lovin zanikhan a thi. Verma hin Rawat hi a phingah a hnek rak rak leiin thisenin an luok leia thi a nih tiin Abdul Hussein, SP, Barabanki chun a hril.

Mizoramah In 750 zet a mut siet
Aizawl: April 2 le 5 a ruopui vanawn le thlipui hrat takel inthuoa a sur le hrang lei khan Mizoramah In 750 zet a mut siet a, Tlawng vadungah Lawngleng 25 zet tuilienin a len hmang. In 750 thlipuiin a mut siet hai laia 270 hai chu Serchhip District sunga mi an ni a, In 107 hai chu Mamit District sunga mi an nih. Champhai le Kolasib district haia khawm suksiet a hau tiin Disaster Management Department, Govt. of Mizoram thusuok chun a hril.

Tamil Nadu sawrkarin  Rs. 3,00,000 seng
Chennai: April 7, 2015 a Chittor district, Andhra Pradesh a thingraia sumdanga intum Andhra Pradesh Police han mi 20 an kap hlum sunghai kuomah sawmdawlna dingin Rs. 3,00,000 seng an  Chief Ministers Relief  Fund a inthawk pek ning an tih tiin Tamil Nadu sawrkar in a puong. Hieng mi 20 hai hi Tamil Nadu state mi, a tam lem Tamil hnama mi an nih. Tamil Nadu sawrkar chun hi thil tlung hi a dem a, full­fledged inquiry thaw dingin a ngen.

Senior Health Officer 10 chungah FIR
Agartala: Tripura North District a Chief Medical Officer (CMO) le Medical Officers 10 hai \hangin Senior Health Officers 17 hai chungah FIR zieklut a nih. Senior Health officials 17 hai hi National Rural Health Mission (NRHM) hnuoia sum hmang dinga peksuok, Rs. 4.47 crore zet, kum 2006­2014 inkar sunga mi indiklo taka an hmang le lak leia FIR hi zieklut khum an nih tiin Dr Sandeep Mahatma, Director, NRHM, Tripura chun a hril.

Dhanush Missile hlawtling taka ensin
Hyderabad: Nuclear ralthuom kg. 500 a rik phur thei, km. 350 a hla kap phak Dhanush Missile chu zani 11:02AM khan Odisha Coas a Lawng chunga inthawk hlawtling taka kapsuok a nih.  Dhanush Missile hi DRDO in missiles chi 5 a siem ta hai laia pakhat a nih.

Tihar Jail sunga insuoltuonaah mi 1 a thi
New Delhi: Zani hmasa zan khan Tihar Jail­a intang mek misuol (Gang) group hni hai lai insuoltuona  nasa tak a tlung a, hi lungin a intang lai mek  Ravinder an ti chun thina a tuok pha.  Ravinder hi tuolthat leia thiemnaw inchangtir tasa a nih. Zan dar 7 vela insuol an ni a,  Ravinder hi zan dar 11:30 vela thi a nih.

Bus eksiden­ah mi 24 an thi
Dhaka: Zani zingkar inhma tak khan Dhaka khawpuia inthawka Km. 100 vela hla, Dhaka­Barisal Highway Faridpur ah Bus pakhat a eksiden a, thingkung a baw leiin Bus a chuong mi 24 an thi a, midang 24 in hliemna an tuok. Faridpur Medical College Hospital  panpui an nih. Bus hi Dhaka a inthawka Barisal pana tlan a nih.
-----------------------------------------------------------------------------------

VAWISUN THUPUI
Aw Pathien, nang chu ka  Pathien i na, zingkar zawng ka ti che;   Ram \awl chautak, tui umnawna hmuna hin, Ka hringna hi nangma ngaiin a dangchar a, ka tisa hin a ngai che a nih.  ­ Sam 63:1

Editorial:
TET Exam hi
Board of Secondary Education Manipur (BSEM) chun kum danga ang bawkin Teachers Eligibility Test (TET) Exam June 7, 2015 a nei dingin hma a lak mek a. Hi Exam hin a \hatna le \hatnawna tieng hril a hlaw hle. Tukhawm hin  BSEM chun TET Exam a \hangna dinga hnina lekha (Application  Form) chu BSEM Office, Imphal hmuna inthawk chauin April 15, 2015 a inthawk semsuok \an ni dingin a hril a. Hi thil hi District  danga inthawka exam nuomhai ta dinga harsatna namen lo intluntu a ni ding a nih ti chu a chieng sa a nih. Babupara, Imphal­a BSEM Office­a Application Form zu lakna ding hin tlangram districts  a chenghai ta ding chun sum le hun tam tak sengna ding  a hung ni nghal leiin BSEM hin Application Form hi ni dang ang bawkin  District Headquarters tina Zonal Education Office (ZEO) haia lak thei dingin hma hung la ngei sienla nuom a um.
    
Phairam districts 4, Imphal East, Imphal West,  Bishnupur le Thoubal District hai ta ding chun Board Office­a Application Form zu lak hi thil harsa taluo lo le sum seng tam rak lo a ni el thei. Amiruokchu, Tamenglong, Senapati, Ukhrul, Chandel le Churachandpur district hai ta ding ruok chun sum le hun tam tak seng ngaina a nih. District tinah ZEO Office a um seng a, ZEO Office hai hi Application Form semna le peklut theina hmun ni seng thei sienla chu exam a \hang ding  hai ta dingin a varzang hle ding a nih.
    
District Headquarters tina Application Form sem le  Exam Centre hawng hi thil harsa ding a ninaw a, buoina ding a um nawh.  ZEO Office hai Application  Form semna dinga hmang thei a ninawna san ding hi a um der nawh. ZEO Office hai   Application Form semna ding beka  hmang an ninaw chun a biel mipuihai ta ding chun ZEO Office nei  hin hlutna le umzie a neinaw ding a nih. Annawleh BSEM hin a hnuoia ZEO­hai le a thawktuhai hi a ringzonaw ning a ti?  Board Office in a pumpuia thuneina an chang vawng bik chu thil\ha ning a ti? Board hin a thil thaw dan hi a ennawn nuom a um.
    
Chun, Board in Exam fee a lak dinga a hril hi a tam taluo. Mi \henkhat chun Board in TET Exam hi sumdawngnaa  a hmang a nih tiin an hril a, an dikna chin a um el naw ding maw? Sin la nei lo, sin zawngtuhai ta dinga exam fee Rs. 400, Rs. 800,  Rs. 500 le Rs. 1000 zeta bituk el hi chu a tam taluo deu a nih. BSEM le Manipur sawrkar khawma Exam fee hi ennawn  hai sienla, a tlawm thei ang takin  exam fee hi hung  bituk ngei sienla chu mipui lawm hleng an tih. TET Exam  a hin sum seng a tam ding a nih ti chu ei hriet seng. Amiruokchu, candidate pakhata dinga  Exam fee Rs. 400­1000 lak hi chu  a taluo deu a, a tam  takah Rs. 200 vel khawma hi exam hi zo fel thei le a buotsaituhai ta dingin sawl man khawm a la bangkhai thei ngei ring a um.
    
India rama states le Union Territories danghai khawmin TET Exam hi an huoihawt ve a. Amiruokchu, Manipur State ang hin chu exam fee an lak ve nawh. Sawrkar chu mipui ta le mipui leia um a nih. Hi lei hin sawrkarin a mipuihai \hatna dinga sum a seng chu iem a pawina  a um a. State sawrkar han hi exam hi an huoihawt ngam si chun sum seng ding hi State budget ah an sie sa el ding a nih. UPSC, SSC le a dang dang hai khawma competitive exam hi an buotsai rawp a, candidate pakhatah exam fee Rs. 100 bak an lak ngai nawh.
            
A bikin Manipur tlangram District Headquarters tina TET Exam Appliation Form hi lak ve thei ngei a nina dinga ATSUM le Tribal MLAs/Ministers han \hang an lak nuom a um. Mani ram le mipui hmangai hai ta ding chun hi thil hi ngaitha el chi niin an lang nawh.|ul rak lova bandh le blockade thaw nek chun TET Exam le inzawma bandh le blockade ei thaw ngam le ei tuor huom a \ul. Imphal a sem thei chu iengleia District Headquarters haia sem thei lo le thaw thei lo am ning a ta? Hi kawnga hn Manipur a Tribal hai ei \hangruol a \ul takzet a nih.






Post a Comment

Powered by Blogger.