Aizawl, April 6, 2015: Vawisun khan Mizoram Home Minister Office ah Home Department le Police Hotulien hai chu R. Lalzirliana inrawina hnuoia inthungkhawm'n Mizoram Hmar tlangdung Manipur ramri hnai chu hmun ralmuong lo le rambuoi Disturbed Area a puong dan ngaituo nisien HPC-D chu unlawful organisation a puong dingin sawrkar ah putlut nisien an tia, Hmar tlangdunga police post popo suk hrat nawk zuola, a tul huna che nghal thei vawng dingin ralthuom thalem hai sie nisien, Sakawrdai, Saiphai, Khawlien le Suongpuilawn ah Operation Commander dingin DSP-rank officer sie thar nisien an ti bawk a nih. Home Department le Police hotulien hai chun Tinghmun ah Border Outpost thar siem nisien Police officer le sipai hai chu Vairengte hmuna Counter Insurgency and Jungle Warfare School ah training pek ni hai sien Assam Rifles hai leh tactical training nei hai sien an tia, advance tactical area siem dingin an ngaituoa advanced tactical headquarters chu Sakawrdai a um dingin an ti bawk.


Hienghai bak a hin ralmuong nawna le ramhnuoi hmuna MLA inzin ding hai chun Chief Minister le Home Minister inhriettir lawk ngei hai sien an tia, Home Minister chun April 28 a Assembly Assurance Committee lambun tu hai chu Zosangbera a pawl HPC-D hai niin a hril bawk.

Post a Comment

Powered by Blogger.