CCPUR: April 24, 2015 zantieng dar 4 PM khan Pu, Dr. Lalnghaklien Hriler in Feb. 28, 2015 ni a Dist. Vety Officer, Tuibuong a inthawka Deputy Director, Vety & AH Services, Govt. of Manipur, Sanjenthong, Imphal-a a kaisang lawmna a chengna In Bible Hill (East), Rengkai, CCPur hmun ah ruoithe meuin nei a nih.

Hi huna hin 1971-’73 laia Don Bosco High School (tuta Don Bosco Hr. Sec. School ni tah), CCPur-a a Classmate hai le hi School a 1st Batch Matric Exam-a a passed ruolpuihai chu an thang tawl. Hienghai lai hin Pu Lungmuana Lakher IAS, Principal Secy., Govt of Manipur (GoM); Pu Zuithanga Executive Engineer, Minor Irrigation, GoM; Pi Saichhingpuii Under Secy., Vety & Seri., Secretariat (GoM); Pi Niangkaihching Asst. Treasury Officer hai le a zawlpa Pu, Dr. F. Thienkhogin Dist. Aids Control Officer (DACO), CCPur khawm a thang ve. A classmate hai hi sawrkar sin tha tak tak neiin Officer lien tak tak an ni tawl deu vawng a nih. Ama Pu, Dr. Hriler hi (L) Rev. J. Sanghlun of Rengkai naupa, a upa tak niin Vety Doctor a'nchuk tan ding laia Manipur a suoksan tawma a Pa’n a’nfuina khawm “I tading chauin inch√Ľk naw la, mi po po tadingin hung inchuk rawh”, ti a ni ang hrimin a thiemna mi tam tak tadinga malsawmna niin mi biek inhawi, en man la ngailo. Ran tamtakin an dampui, mi tamtak inpak le suong em em, Pathien-in a i hmang em em a ni a. A sangpa Dr. George Joute khawm chuongang tho chu niin tuhin Vety Officer, Torbung Piggery Farm i/c ni lai zing a nih. Anni unau hi entawn tlak tak an nih. A kaisangna hi ei lawmpui tak zet. Pathien-in thuoi pei raw seh. -LRS Puruolte

Post a Comment

Powered by Blogger.