Guwahati (13/04/2015): Assam University in mithiem filawr an thlang khawm bikhai chawimawina hunser an hmang hun ah Nk. Agnetha Joute D/o Pu Zokhawsiem Joute chu Gold Medal inhlan a nih

Agnetha Joute hi Haflong Govt.College a inchuk a nih a; BA (English) ah Assam University hnuoiah topper ani leia hi chawimawi hi inhlan a nih. Hi chawimawina hin Medal le Certificate a phur a nih.

Ama hi hnam ta ding khawma inpe mi tak; HSA le khawtlang thila hai khawm taima taka inhmang hlak mi a nih. Tuhin Cotton College, Guwahati ah MA (English) Final year a’nchuk zing bakah, IGNOU a khawm MA (Sociology) a thaw sa bawk. Inchukna tieng mi hlawtling tak a nih. A hlawtlingna ei lawmpui hle a, hmatieng peia khawm hlawtlingna hung chang pei dingin ditsakna ei inhlan nghal.


Post a Comment

Powered by Blogger.