CCPur: Dec. 13, 2014 a fam lo chang tah Founder President, HWA le Rengkai Lalnu, Pi Kholpi Joute hrietzingna dinga a Pasal Pu JC Chongkholien Joute, Chief of Rengkai in a buotsai, The Journey of Kholpi Joute Video chu March 2, 2015 zan dar 7:22 PM khan Rengkai Lal In Compound, Rengkai, CCPur ah Tlangzarna Pu T. Dongzakai in a nei.
Hi hun a hin Pi Kholpi ngainatuhai fekhawmin ICI Central Choir hai leh Pathien inpakin hun hmang a ni a. Pathien thlarauin sin thawin, Pathien chawimawia lam chau niloin tawng hrietlo hai leh tin zai hrim rel el theiloin hun hmang a nih. Hun kar laka hai Pi Kholpi Video chu suklang a ni zing bawk. Hun vawngtu Rev. Zothanghrim Zote Chairman, ICI Central Choir le Music Promoter, ICI chun hi hun a hin tukum (2015) a hung ni char a ICI Central Choir in an rawngbawlna le inzawma an in vak velna dinga an pawimaw em em, Bus 1 Cheng Nuoi 11-12 inkar man Pathien kuomah an ngen thu a hril a, hi zana Pi Kholpi puola hun hmangna leh hin an thil mamaw Pathien kuoma an lo intlun ta chu inzawmna a nei tlat a ring thu a hril a. Chu zo chun Pu Dongzakai hin Bus man ding bul tanna dingin tangka sum thilpek an hlan.
Hi video hi Rev. Laltholien (Awptu Pastor) in Pathien kuoma inhlanna a nei a. Pu JC Chongkholien chun hi zan a ZRS le HCN (Hornbill) haiin a hmangaitak Pi Kholpi Video Tlangzar a ni hun a, Tlangzar a um Pi Kholpi Joute Video an Local Cable TV Channel haia mihai lo hmu ve thei dinga an lo insuo pekna chungthu ah lawmum a ti hle thu a hril.
–LRS Puruolte
