Aizawl, March 29, 2015:  Zanita hel kuta thi police pathum hai vawituk khan 1st Bn MAP Commandant Office hma-ah sawrkarin vuina hun a hmang. Vuina hun a hin Chief Minister, Minister, Parliamentary Secretary, MLA hai, Chief Secretary le sawrkar official pawimaw iemanizat an thang.

Vuina thu a hrilna ah Chief Minister Pu Lal Thanhawla chun misuol hai hin kawng tam taka dan an bawsiet a nih a ti a. Anni hai hi United People’s Front a thangin, Kuki National Organisation le India sawrkarin inkapchawl (Suspension of Operation) an buotsaina hnuoia an lut ve a ni a, inkapchawl dan bawsie in vawitam tak Mizoramah buoina hung siemin, mipui an suk thlabar a, tax hai an dawllui a, nunrawng takin police hai an hung that hi a vangduoithlak hle a nih a ti a. Phuba la ding ni inla vawi tam tak ei lak thei a nih tiin a hril bawk.

Hienganga nunrawngna hi inchona tirdakum tak a ni a,a damhai khawm thlaphang deuin an siema, an mi chona hi kan pawm a, remchang dan ang peiin dawnlet ning a tih tiin a hril.

Hienganga thilpawi thawna hi sawrkar chun tobo pui mei mei naw ni a, inbiekrem kan nuom ti lai zinga hiengang thil rapthlak, inthatna an in tlung tir hi inhlemna tirdak um tak ani ruol ruolin, inchona angin kan pawm tiin Chief Minister chun a hril.

Chief Minister chun Mizorama cheng Zonauhai hi nuisan khawp chau kan ni leiin Zohnathlak popo hmun dang dang a um hai ei insuikhawm a, hnam lien le ropuia insiem ei nuom tak laia inpumkhatna dodal zawnga an che hi dem a um takzet a, ngaitha chi a ni nawh tiin a hril sa bawk.

Chief Minister chun mithi sunghai chu thlamuong taka um dinga incha in, hliem tuor hai khawm thataka dam suok vat dingin ditsakna an hlan. Sawrkar kalphung pangngai pelin mithi sunghai chu Rs.7 Lakhs in a ral ding thu hrilin, hliem tuor hai khawm duot tak le lainat taka enkawl ning an ta, a tul ang ang sengso khawm sawrkar in tum vawng a tih tiin a hril.

Home Minister Pu R.Lalzirliana chun ram le hnam le ei  inunauna ta dinga hmasawnna tluong tak le angkhata a fe theina dinga lampui daptu Assembly Assurances Committee member-hai lambun an ni hi theida thlak takzet a nih a ti a. Tharum hmangna hin iengkhawm hlawkna a nei nawa, mi thabo sinthaw peilo, misuolhai kuta hin khawilai hmun khawm hi a um ei phal nawh tiin a hril. Mizoram Rorelna insang tak Assembly Session hnuhnung takah ‘Zofate inpumkhatna daltu chu engmah tih nilo rawh se’ ti lungruol taka kan pass hnung sawtnawte a hiengang a pawi thawlo ei police hai an hung that hi a vangduoithlak takzet a nih a ti a.Hieng misuolhai hi beilet dingin sawrkarin a tul ang ang thawng a tih. Ram ta dinga thawktuhai thisen hi a thlawnin a luongral el ding an nawh a tih.

Pu Zira chun mi thalo lungril piengsuol hai lei hin ei hnam hi thedarin a um ding a ni nawh tiin a hril a. Ram le hnam inpumkhatna dingin police hai chu theitawp suo zing dingin an fuia, in hnunga nunghak le tlangval a nuoi tel an um a nih" tiin a hril.

Hi huna hin Pu R.L. Pianmawia, MLA & Govt Dy Chief Whip in an thil tuok dan a hril bawk a nih.

Image Source: Dipr







Post a Comment

Powered by Blogger.