Parbung, March 23, 2015: Kar liemtah inrinni March 21 khan Dr. Lalmalsawm Pulamte s/o Mr. Lalropui Pulamte, Rengkai chun a post thar Community Health Centre (CHC), Parbung alo zawm ṭan tah.
Dr. Lalmalsawm Pulamte hi kum 2014 khan Guwahati Medical College (GMC) anthawka MBBS zo a nih. A post a hung zawm ṭanna le inzawmin Pathien-in a kut hmanga Hmarbiel-a damnaw ha’n damna/malsawmna tam tak an dawng theina ding le ama ngei khawm buoina taluo um loa a sin ringum taka a thaw theina dingin hriselna le varna nasa taka Pathien-in an thuom theina dingin tiin Rev. Lalthakung (Director Evangelism, WMCEI)-in ṭawngṭai pekna a nei.
Hi huna mi tlawmngai fekhawm hai chun, tu kum January 8-a Parbung Convention hun laia Parbung CHC Ambulance, mipui hmu thei dinga a thar hlawk ei nei ngei ti mipui inentir dinga hung chawia um, Registration la thawlo; Registration thaw dinga CCPur tieng la hang kai vak dinga ti tuchena hmu a la ninaw chungchang thu an indawn chuh CHC-a thawktu haiin a chanchin iengkhawm an hriet naw thu an hril. Hi Ambulance hi tlawmngai taka mipui hmakhuo ngaituo a, CCPur-a um haiin hung sui dingin fekhawm hai chun an ngen.
Hmarbiel (Tipaimukh, Manipur) a hin Parbung Hospital chauh hi a function umsun a ni a, khawm chu nikhat/nihni dam Doctor umnaw chang (inthleng kar lak) khaw dang anthawka damnaw inrik tak tak motor hmang ding nei naw sa saa thei le thei loa hung, Doctor lo umnaw leh antuok fuk hlak leiin lainat an um thei hle bawk a nih.
Vawisun tarik 23 March hin Village Authority (VA) chairman Pu Daniethang inrawina hnuoi-ah lawmlutna le thingpui dawnpuina neipuiin, ringumtak le ṭhahnem ngai taka sinthaw ding le inṭhangpui tawn dingin ngenna VA hminga siem a nih. (Lalnunthang Songate)
Dr. Lalmalsawm Pulamte hi kum 2014 khan Guwahati Medical College (GMC) anthawka MBBS zo a nih. A post a hung zawm ṭanna le inzawmin Pathien-in a kut hmanga Hmarbiel-a damnaw ha’n damna/malsawmna tam tak an dawng theina ding le ama ngei khawm buoina taluo um loa a sin ringum taka a thaw theina dingin hriselna le varna nasa taka Pathien-in an thuom theina dingin tiin Rev. Lalthakung (Director Evangelism, WMCEI)-in ṭawngṭai pekna a nei.
Hi huna mi tlawmngai fekhawm hai chun, tu kum January 8-a Parbung Convention hun laia Parbung CHC Ambulance, mipui hmu thei dinga a thar hlawk ei nei ngei ti mipui inentir dinga hung chawia um, Registration la thawlo; Registration thaw dinga CCPur tieng la hang kai vak dinga ti tuchena hmu a la ninaw chungchang thu an indawn chuh CHC-a thawktu haiin a chanchin iengkhawm an hriet naw thu an hril. Hi Ambulance hi tlawmngai taka mipui hmakhuo ngaituo a, CCPur-a um haiin hung sui dingin fekhawm hai chun an ngen.
Hmarbiel (Tipaimukh, Manipur) a hin Parbung Hospital chauh hi a function umsun a ni a, khawm chu nikhat/nihni dam Doctor umnaw chang (inthleng kar lak) khaw dang anthawka damnaw inrik tak tak motor hmang ding nei naw sa saa thei le thei loa hung, Doctor lo umnaw leh antuok fuk hlak leiin lainat an um thei hle bawk a nih.
Vawisun tarik 23 March hin Village Authority (VA) chairman Pu Daniethang inrawina hnuoi-ah lawmlutna le thingpui dawnpuina neipuiin, ringumtak le ṭhahnem ngai taka sinthaw ding le inṭhangpui tawn dingin ngenna VA hminga siem a nih. (Lalnunthang Songate)
