Responsive Ad Slot

National Tribal Festival ah Hmar ai-aw in Haflong a'nthawk Nk. Salome Amo le Tv. Roy Bapui

Sunday, March 8, 2015

/ Published by Ralsun Hmar
Muolhoi, March 8, 2015: Union Ministry of Tribal Affairs,Govt. of India chun Tribal Co-operative Marketing Development Federation Of India Limited (TRIFED) le National Scheduled Tribes Financial Development Corporation (NSTFDC) inkawppuiin Tarik 13th - 18th Feb,2015 sung khan Delhi khawpui hmun thum, hieng - Central Park, Baba Kharak Singh Marg (Connaught place) le Indira Gandhi National Centre for Arts,a hai hin, a vawikhatna a dingin National Tribal Festival a huoihawt. 

Hi festival a țhang ding hin Assam a inthawk Khoma tlangmi tamtak a zu thanga. Hmar hnam aiaw in Nk.Salome Amo, Muolhoi le Tv. Roy Bapui,Dampui veng,Haflong hai an zu țhang ve.


Union Minister,Tribal Affairs le Festival hawng tu ni bawk Pu Jual Oram chu Hmar muffler le Hnâng lukhum in hlan anih, Hmar folk song (Sikpui hla) sak ani baka Assam Stall/Dâwr a Hmar puon, lekhabu le a dang dang hai tarlang ve ani a, a fe hai hi Memento mâwitak in hlân anni bawk. Assam a inthawk palai fe hai hi Pu Dharmananda Baruah, ACS, Deputy Director, Welfare of Scheduled Caste, Assam le Pi Mitra Das, Senior Research officer, Directorate of Assam, Institute of Tribal Research & Scheduled Caste hai in an in rawi.


Hi festival hi Hmarsak state a tribal hai cho niloin,India pum huop in,kil tin a inthawk eini ang tho a tribal status nei hai an țhang ve a, States 15-16 vel anțhang a; Assam a inthawk Mising, Tiwa, Rabha, Kuki, Hmar, Dimasa le Karbi hnam țhang in mi 51 an tling. Festival a mikhuol fe khawm popo hi 900 bawr vel a record anih. Festival sung hin Tribal lâm, lekhabu,documentary,painting,puon, hla,rimawi, nun phung, fak le dawn, kut them thiem etc hai in entir/show le zawrsuok a nih.

~ Thanga Khawbung, Virthli


Don't Miss
© all rights reserved
made with by Simon L Infimate